Olaeta balletak: ikusi eta ikasi
Bilboko Ondare Aretoa (Maria Diaz de Haro, 11). Martxoaren 23ra arte.
Pena da, injustizia ez esatearren, zenbaki honetan bertan datorren Eszena berriak tradizioaren dantzan erreportajean Segundo Olaeta aipatu ez izana, itzal handiko pertsonaia baita euskal dantzaren historian. Ordain xumea izan bedi artikulu hau.
2008an, Olaeta familiak hamarkadetan bildutako ondarea utzi zion Bizkaiko Foru Aldundiari, eta horren zati bat ikusgai dago orain Bilboko Ondare Aretoan. Bisita laburra egin diot Amets baten koreografia-ri, ez presaka nenbilelako, erakusketa ziztu bizian ikusten delako baizik, “ikusi” hitzak museo batean duen ohiko esanguran. Jantzi batzuk, tipikoak zein Olaeta familiako kideek sortutakoak; agiri zaharrak, zenbait gutun oso interesgarri barne; musika tresnaren bat; eta askoz gehiagorik ez. Txukuna, dotorea, eta kontsumo azkarrekoa.
Ikusteaz gain ikasteko grina daukanak, berriz, erakusketa honetan du aukera paregabea. Amets baten koreografia ez da nik uste nuen bezain ikusgarria, baina informazioz beteta dago. Dantzaren historia maite baduzu, orduak erraz joango zaizkizu hemen, dela Olaeta balletaren historia irakurtzen –aretoaren hormetan kapitulu bana–, dela ezin falta litekeen gune interaktiboan, non besteak beste argazki eder mordoa aurkituko duzun, horiek bai Olaetatarren ibilbidearen lekukotza mardula. Ondo egindako lau dokumentaletan laburbilduta ere emango dizute ibilbide horren berri, erakusketa amaierako areto txiki ilun erosoan. Hori bai, gainerakoan akatsik ez duen hizkuntz koofizialtasunak gune interaktiboan huts egiten du dezente. Pena da.
Eta pena da, injustizia ez esatearren, abenduaren 11tik zabaldik dagoen erakusketa baten berri ematea ateak ixtear dituenean. Zorionez, kasu honetan injustizia ez da hain larria, Bilbotik Baionara joango baita Amets baten koreografia, eta handik Gernikara. Noiz, ez dago hain argi, baina jakin badakigu Baionakoa udan izanen dela. Ordura arte.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Bost greba egun deitu dituzte apirilerako, "lanez gainezka" daudela eta giza baliabide eta material "oso murritzak" dituztela argudiatuta. ELA sindikatuaren esanetan, udalak "ez du mugimendurik egin nahi".
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
.jpg)
Astearteko greba egunak %100eko jarraipena izan du, sindikatuen arabera. Hilaren 11rako eta 15erako deituta daude beste bi lanuzteak. 335 langile kaleratu nahi ditu Japoniako pneumatikoen multinazionalak Basauriko (Bizkaia) plantatik.
Aberri Eguna elkarrekin ospatzeko xedez sortu zen Euskal Herria Batera plataforma. Aurten, ikusgarri bat eskainiko dute apirilaren 11n, Manex Fuchs antzerkilariaren, Lorea Agirre idazlearen eta Martxel Rodriguez dantzariaren eskutik.
Apirilaren 4an, ostiralarekin, Ipar Euskal Herriak Lurralde Kolektibitate baterantz bilakaera instituzional bat behar duela egiaztatuz, Batera plataformak herritarren mobilizazio dinamika baten abiatzea aurkeztu du. Hitzordua emana da maiatzaren 10ean, larunbatez, Ezpeletan,... [+]
Fabrika itxi eta 106 beharginak kaleratzeko asmoa dauka enpresako zuzendaritzak, eta zabalik dago lan-erregulazioari buruzko kontsulta-aldia.
Abenduan ezagutarazi ziren Espainia, Maroko eta Portugalen jokatuko den Munduko Futbol Txapelketako egoitzak. Donostia eta Bilbo zerrendan ageri ziren. Donostiako sei auzo elkartek, gutun bidez, FIFAri eskatu diote atzera botatzeko hiriaren egoitza izendapena; FIFA bera ere... [+]
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]