2010ean, Nafarroan, Euskarazko Hezkuntza Garatzeko programaren aurrekontua 639.389 eurotik 299.101era pasako da. Murrizketa horrek D ereduan matrikulatuta dauden eta eredu hori etxetik bost kilometro baino urrutiago duten 500 familiei eragiten die, garraiorako eta jangelarako diru-laguntzak 259tik bost eurora murriztu baitizkie. Bertso eskolak eta idazle edo antzerki euskaldunen topaketak ere diru-laguntzarik gabe geratuko dira 2010eko aurrekontuetan. Bestetik, UPNren emendakin bat onartu ondoren, euskarazko egonaldi eta udalekuetarako laguntzak 195.000 eurotik 65.000 eurora murriztu ditu Parlamentuko Ekonomia eta Ogasun batzordeak