Lionel Jolyk Jakin 174 (iraila-urria) agerkarian esanak: "Euskaltzaindiari lotzen zaion gaia hizkuntzalaritza da. Batzuek hizkuntzalaritza soziolinguistikaren gainetik kokatzen dute; beharbada arrazoia edukiko dute eta mota honetako eztabaidetan sartzea ez dagokit. Dena den, zientzialariek ohitura izaten dute diziplinartekoak diren zientziak haien eremura eramateko. Hizkuntzalariek soziolinguistikaren arloa haien azpiadar berri bat dela pentsatzen dute, azken 50 urteotan sortua. Soziolinguistek, alderantziz, hizkuntza beti praktikarekin lotuta dagoenez, hizkuntzalaritza gizartekoa izan behar dela diote. Soziologoek soziolinguistika haien azpiadarra dela irudikatzen dute, hizkuntz soziologia deiturikoa. Eztabaida horiek, lubaki gerra batean bihurtzen ez badira, gerra guztiak bezala kaltegarri izanik, probetxugarriak izan daitezke arlo berrirako".