Baloreaz eta baloreez
A zer eztabaida sortu den ETB1-eko Go!azen telesailaz. Nik neuk ildo bi sumatzen ditut iritzietan: bata, baimena emango didazue euskararen makiaveloena deitzeko, Go!azen gustuko eduki ez arren ontzat ematen duena, umeak euskarazko produktu batera iltzatu dituelako, telebistan aspaldi ez bezala; bestea, baimena emango didazue maximalistena deitzeko, euskara sustatzearen helburuak Go!azen bezalako bitartekoak justifikatzen ez dituela pentsatzen duena.
Kostatzen zait zein aldetara lerratu behar dudan erabakitzea. Alaba biren aita naiz, bete-betean telesailaren targetean kokatuak biak. Telebistako agintea erabiltzen ikasi zutenetik Go!azen agertu arte, gaztelaniara bikoiztutako estatubatuar produktuak kontsumitu dituzte nagusiki, Pirritx eta Porrotxen urteroko DVDa kenduta. Alde horretatik, telesaila haize berria izan da gurean.
Eztabaidagai nagusia hau da: zer irabazten dugu, Hannah Montana hein batean ordezkatzea lortu duen produktuak Hannah Montanaren antzeko baloreak goratzen baditu? Eta kalitate eskasagoaz, gainera. Tira, azter dezagun hobeto zein balorez ari garen, eta zein kalitate irizpidez. Hasteko, Go!azenen egiten dituzten euskal kantu ezagunen moldaketak delinkuentziaren eremuan kokatuko nituzke neronek, baina nire alabei izugarri gustatzen zaizkie; gustu kontua, hortaz. Gainerakoan, ez nuke esango Go!azen (hain) gaizki eginda dagoenik, baina ez naiz berebiziko aditua ere. Eta baloreak? Ba bai, telesailak bere egin du AEBetan hain berezkoa duten ikasle ospedun/ikasle arrakastagabeko dikotomia hori, hala nola euskal guraso modernook gustuko ez ditugun beste bizi-filosofia eta pentsamolde batzuk. Nire lehen galdera da ea audientzia ona ziurtatzerik dagoen formula horretatik kanpo. Nire beste galdera da ea ba ote dagoen ondo definituta XXI. mendeko euskal produktu jator batek eduki behar lukeen balore multzoa. Ikusleak uxatuko ez dituena, ahal dela.
Zer iritzi dut, beraz? Ba ez dakit, denbora gehiago beharko dut pentsatzeko. Momentuz, do!azela.
96 urterekin hil da Jean-Marie Le Pen, eskuin-muturreko aurpegi ezaguna, Frantziako Estatuan urtez urte indartu egin den Fronte Nazionalaren sortzailea. Ahoan bilorik gabe aritu izan da beti eta beti bere ideia arrazistak zabaltzen. Ideia arrazistak ereiten, eta uztak jasotzen:... [+]
ilbeltza-(1).jpg)
Hamaikagarrenez antolatu dute euskal nobela beltzaren astea, urtarrilaren 20tik 26ra. Ekitaldi ugari egingo dira Baztango bailarako hainbat herritan. Liburu aurkezpenak, mahai-inguruak, solasaldiak eta kultur ekitaldiak izango dira, eta ekintzetan parte hartzea doakoa izango da.
2024an beste sei hilketa egon zirela gogoratu zuten. “Nazkatuta, nekatuta eta haserre” daudela adierazi du mugimendu feministak Barakaldoko Bide Onera plazan, eta biktimei arreta eskaintzeko sistemen eraginkortasun eza salatu dute. Barakaldoz gain, herri askotan izan... [+]
“Uste dugu distopien eta orokorrean errealitate indibidualista eta etsituaren ofentsiba kulturalaren aurrean utopiak irudikatu behar ditugula, mentalki eta emozionalki indartsuagoak izateko”, erranez banatu berri ditu ipuin eta itzulpen lehiaketako sariak Sukar Horia... [+]
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.
Oporlekuekin soilik lotuko dituzte askok Balear Uharteak, baina agroekologiaren eta kontsumoaren bueltan mugimendu bizia dute Mallorca irlan: Associació de Varietats Locals de Mallorca (tokiko hazi barietateen elkartea) da horren adibide. Abenduaren hasieran, elkarte... [+]
Otsailaren 7an, Maccabi Tel Aviv taldeak Baskoniaren aurkako partida jokatzeko asmoa du Gasteizen. Palestinarekin Elkartasuna Plataformak salatu du Israelek kultur eta kirol ekimenak palestinarren aurkako krimenak estaltzeko erabiltzen dituela. Aurpegi zuriketaren aurka,... [+]
Muturreko lehorte eta euriteak normaltasun berria bilakatu zaizkigu. Areagotzen dituzten kalte ekonomiko eta ekosistemikoen artean, laborantzak pairaturikoak ez dira txikienak. Bereziki, lehorte garaietan zaluegi idortzen diren edota eurite handietan ur guzia xurgatu ezin duten... [+]
Artista polifazetikoa izan zen Harry Smith (1923-1991). Inkonformista erradikala ere bai, bere biografia askotan nabarmentzen denez. Instituzio eta galeristetatik urrun, eskale baten itxura izan zuen urte luzez. Berari buruzko azken liburua, Cosmic Scholar: The Life and Times of... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Udazkena amaitzen den ber, Euskararen Egunean, euskararen urtaroan edo Durangoko Azokan beleak agertzen dira. Euskararen erabileraren inkesta soziolinguistikoen emaitzez jakitun, "politically correct" ariketak ez du inor harritzen jada. Ttattarrik gabe, cool eta irria... [+]
