Jose Luis López Vázquez notizia da, Luis Nuñez ez
- Azaroaren 1ean hil zen Luis Nuñez Astrain soziologo eta kazetaria.
Euskal Hiztegi Entziklopedikoaren ardura hartu berria nuen nik, eta produktuak txukun saltzekotan zabalkunde eta sustapen berezia beharko zuelako jo nuen, hain justu, Luis Nuñezengana. Hitz gutxi behar izan genituen elkar ulertzeko eta, ondorioz, biontzat onuragarri izan zitekeen hitzarmena bideratzeko.
Hala, Euskal Hiztegi Entziklopedikoa 32 orrialdeko ehundik gora ataletan banatu eta faszikulutan hasi ginen Egin-ekin batera banatzen. Jendearen harrera, dena esaten hasita, uste baino askoz hobea izan zen, milaka izan baitziren promozio luze hura osatzeko, hasieratik bukaerarainoko pazientzia hartu zutenak.
Gizon gardena eta hurbila iruditu zitzaidan Luis Nuñez. Nire aurreiritzien kontra, tratu errazekoa. Gogoan dut gure negozio honek iraun zuen bitartean —urtebete— maiz mintzatzen ginela egoera politikoaz. Garai hartan PP eta Jose María Aznar Espainiako Gobernuaren jabe zirelako, beti bazen zer aipatua gure bileren atarikoan.
Komentzimendu handiz argudiatu zidan behin, Lizarrako inprentatik bueltan gentozela, ezkerra bihurragoa dela beti, ur handiagotan sartzen dela eta konplikatu egiten dela. Aldiz, eskuinarekin, mundu osoan erakutsi duen lez praktikoagoa izaki, PSOErekin baino errazago lortzen ahal genukeela gure herriaren egoera konpontzeko urratsak ematea. Euskara sakontzeko ikastaroa egiten ari zen garai hartan, eta arreta handia ipintzen zien hitzei.
Handik gutxira, eta eskuinaren aginduz hain zuzen, Egin egunkaria eta Egin Irratia itxi zituzten. Hernaniko egoitza prezintatu haretxetan gelditu ziren beraz, betirako, urtetan ondutako proiektu informatiboa eta Euskal Hiztegi Entziklopedikoaren azken faszikulua, etxe askotako bilduma behin betiko osatu behar zuena. Halako oroigarriak utzi dizkigu eskuinak.
Luis Nuñez hil zen egunean, Jose Luis López Vázquez aktore espainiarraren heriotza nabarmendu zigun EITBk. Ahanztura besterik ez zuen izan 80ko hamarkadan egunkari jarraituenetakoa erredaktoreburu gisa zuzentzen aritu zenarentzat.
Nola aldatzen diren gauzak, kamarada.
- Egin egunkariko erredaktoreburu izan zen eta baita Punto y Hora aldizkariko zuzendaria ere.
Argitaratu zituen artikulu eta liburuen artean aipagarri: Euskara gaur (1971), El euskera arcaico, extensión y parentescos (Txalaparta, 2003), La razón vasca (Txalaparta, 1995), La sociedad vasca actual (Txertoa, 1977), Clases sociales en Euskadi (Txertoa, 1997), Fonología consonántica de un dialecto del euskera de Zuberoa (1976), Antzinako euskaraz (2004).
- Txalapartak argitaratutako Euskadi eta askatasuna entziklopedia koordinatu zuen.
- ETA Berriko militante izan zen 70eko hamarkadan. 80koan, berriz, Herri Batasunako ordezkari hautatua, Gipuzkoako Batzar Nagusietarako.
- ETA eta Espainiako Gobernuaren arteko negoziaketetan ere izan zen, 1989an, Aljerren.
Zuzendaritzak argudiatu du "ahalegin guztiak" egin arren, bezeroen eskaria "drastikoki" murriztu dela. Nafarroako industriaren defentsan igandean egingo den mobilizazioan parte hartuko du enpresaren komiteak.
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
Amurrioko Emakume Sareak elkarretaratzera deitu du eraso matxistari erantzuteko, asteartean 19:00etarako. Bilbon, adin txikiko neska bati egindako sexu erasoa salatzeko mobilizazioa egin du Itaiak astelehenean.
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.
Arrasateko Udaltzaingoak abiatu du ikerketa, neska batzuek igande goizaldean erdialdeko taberna bateko komunean kamera txiki bat aurkitu ondoren.
Air Force One hegazkinean Super Bowl-erako bidaia aprobetxatu du Donald Trumpek, ezartzear dituen muga-zergen berri emateko. Eszenografiaren aldetik, bikain. Etxerako mezua da “lasai baino lasaiago nago ni; begira nora goazen... Estatubatuarrak ere lasai egon daitezke... [+]
Gasteizko campuseko Farmazia Fakultateko ikasleek "faxismoaren aurka antolatzearen beharra" azpimarratu dute, eta EHUri irakaslearen berehalako kaleratzea exijitu diote.
Gipuzkoako Fiskaltzak sei urteko espetxe-zigorra ezarri nahi dio Donostiako Herritarren Babeseko patruiletako buruari. Ertzainak kokainaren truke prozesu judizialean onurak eskaini zizkion droga trafikatzea egotzita atxilotutako gizon bati.
6 urtez azpiko haurrek egunean ordubetez baino ezin dute egon Debako liburutegian. Udal gobernuak argudiatu du "liburutegian erabilgarri dagoen espazioa mugatua" dela, baina ez du argitu espazio mugatu horregatik ezartzen dituzten ordu murrizketak zergatik aplikatzen... [+]
Haurrak dituzten familiei egiten diete deia, bereziki. Seme-alabentzat onena nahi dugulako, etorkizunerako aukerak zabaltzea litzateke euskara ematea. "Eleaniztasunaren aldeko hautua egiteko gonbidapena da, euskara ematea batzea delako", esan du Ana Ollo Euskara... [+]
Azken urteetan, adimen artifizialaren (AA) garapenak hizkuntza gutxituen egoeran eragin nabarmena izan du. Teknologia erraldoiek garatutako eredu nagusiak, hala nola ChatGPT, hizkuntza nagusietan trebatzen dira, eta horrek euskararen moduko hizkuntzak bazterrean uzteko arriskua... [+]
AEBetako auzi judizialen batengatik jakin denez, Metak (Facebook-eko jabeak) Libgen sareko liburutegia masiboki pirateatu du BitTorrent protokoloak erabiliz. 81.7 terabyte gutxienez lortu zituzten horrela, beren adimen artifizialeko sistemak elikatzeko. Saiakera eta zientzia... [+]