Astekaria egiteko fabrika
- Argiako edukiak erabakitzen diren tokitik astekaria argitaratzen den lekuraino distantzia txikia dago, metro batzuk baino ez. Baina metro horiek egiteko egun batzuk eta pertsona zein makina askoren lana behar da.
Argiako eduki batzuk erredakzioko kazetariek beraiek idazten dituzte eta beste batzuk kolaboratzaile sareak sortzen ditu. Erredaktoreek kolaboratzaileen testua jaso, atondu eta zuzentzen dute. Argazkiak edo irudiak lortuta, erredaktoreak berak egiten du erreportajearen maketa. Horrenbestez, erredakzioko kideen ordenagailuetatik edukiak maketatuta irteten dira, beranduenez ostegunean, osteguna baita astekaria ixteko eguna.
Argiak Antzarekin lotzen duen atea zeharkatzen du orduan, Antza arduratzen baita maketak bildu eta txukuntzeaz, eta publizitateak eransteaz. Halaber, astekaria filmatzea Antzako diseinu grafikoko kideen lana da.
Bide laburra egin behar du aldizkariak inprentara iristeko; Antza inprimategia Argiako egoitzaren pareko pabilioian dago.
Argiaren mamia itxita, ostiraletan azala finkatzen da. Astean zehar hainbat bide landu eta gero, azal bat baino gehiago izaten da aukeran. Irudia erabaki, titularrak zehaztu eta azala ere filmagailutik pasatzen da inprentara iritsi baino lehen.
Aldizkariak hurrengo astearen hasieran irtengo dira labetik. Eta astebururako harpidedunen etxeetan eta saltokietan izango dira. Ale batzuk ez dira urrutira joango; hurrengo astelehenean erredakzioko kideek erabiliko dituzte Argiaren zenbaki hori baloratzeko.
Baina erredakziora joan ordez eskilarak igotzen dituenak Argiak ideietatik paperera egiten duen bidea azaldutakoa baino konplexuagoa dela ikusiko du. Goiko solairuan daude kudeaketaz, publizitateaz, harpidetzez eta Argia.com-ez arduratzen direnak.
Eta edukiak erabaki, idatzi, maketatu, filmatu eta inprimatzeaz gain, goiko bizilagunak beharrezkoak izango dira, Argiak beste 90 urte iraungo badu.
1982an Egia auzora aldatu arren, azpiegitura ez zen aldatu. Adizkari guztiak eskuz tolesten ziren eta, ondoren, harpidedunaren helbidea idatzita zeukan paperaz biltzen zituzten. Hurrengo urtean erosi zuten lehenengo ordenagailua, Altos izenekoa eta, hala, fotokonposaketa etxe barruan egin ahal izan zuten. Gainera, herrialde bakoitzeko harpidedunen zerrendak diskete banatan gordetzea lortu zuten.
Ondoren, El País egunkariari Harris markako bigarren eskuko TXT filmatzeko makina erosi zioten. Filmatze lanak ere etxera ekarri zituzten, baina, prozesagailurik ezean, errebelatzea eskuz egin behar zuten. Paisaia bitxia osatzen zuten astekariko edukiek, lehortzeko esekita.
1985ean astekaria Ametzagaña kaleko egoitzara aldatzean, izen bereko enpresa taldea gorpuzten hasi zen: Antza inprimategia eta Apika ordenagailu enpresa –egungo ASPren aurrekaria– jarri ziren abian. Argiaren prozesu osoa bertan egin zitekeen, filmagailu berria eta bi Europa ordenagailu baliatuz –eta ahalegin handia eginez–. Europa ordenagailuei esker “tz”, “ts” eta “tx” zuten hitzak zuzen mozteko lehen programa garatu zen egoitza horretan.
Ordutik hona aurrerapen handiak egin dira. 1988an bigarren kolorea sartu zen aldizkariaren orrietan eta 1997tik aurrera 4 koloretan inprimatuko da astekari osoa. Prozesu guztia Ametzagaña taldearen barruan egiten da oraindik, gero eta azkarrago eta zehatzago. Baina Argiako kazetariak, komertzialak, administrazioko langileak eta kudeatzaileak ordezkatuko dituen makinarik ez da asmatu gaur arte.
Nekazari eta abeltzainentzat Energia Berriztagarrien Lurralde Plan Sektoriala (EEBB LPS) irakurtzea etsigarria izan bazen –eta izan zen–, ez pentsa askoz alaiagoa izan denik 2023ko uztailean horri jarritako 4.217 alegazio-egileri emandako erantzunen txostena... [+]
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Ostegun arratsean abiatu da Lurrama, Bidarteko Estian egin den mahai-inguru batekin. Bertan, Korsika eta Euskal Herriaren bilakaera instituzionala jorratu dute. Besteak beste, Peio Dufau diputatua eta Jean René Etxegarai, Euskal Hirigune Elkargoko lehendakaria, bertan... [+]
Kutixik jaialdia
Non: Intxaurrondoko Kultur Etxean, Donostian.
Noiz: Urriaren 26an.
---------------------------------------------
Donostialdean sortutako musika ekimena da Balio Dute, autogestioa zimendu eta lan-tresna gisa hartuta, "musikariak prekario, bakarti eta... [+]
.jpeg)
Garazi Arrula (Tafalla, 1987) eta Iñigo Astiz (Iruñea, 1985) gonbidatu ditu Mikel Ayerbek (Azpeitia, 1980) Idazteaz beste euskal literaturari buruzko elkarrizketa-saioetako bigarrenera. Euskal ipuingintza izan da elkarrizketa saio honen gaia, eta gonbidatuen... [+]
Sendagaien garapena "bizkortzeko, tratamenduak pertsonalizatzeko eta barne-prozesuak optimizatzeko" erabiltzen ari dira adimen artifiziala. Enpresen % 33k erabiltzen du gaixotasunen analisian, eta % 29k sendagaien garapenean eta fabrikazioan.
Laborantza iraunkor eta herrikoiaren hitzordua den Lurrama azokan izanen da Karine Jacquemart, Frantziako Foodwatch elkarteko zuzendaria. Elikadura-eskubidea herritar orori bermatzeko helburuari tiraka, hainbat ekintza bideratzen dabiltza –herritar mobilizazioak, agintari... [+]
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.
Lo Que No Te Cuentan De Donosti taldeak mobilizazio berri bat antolatu du datorren astelehenean, hilak 11, Amara Berrin, Kaleko Afari Solidarioak banatzen diren ordu eta leku berean. Hiriko hainbat eragile antifaxista eta antirrazista batzen dituen plataformak... [+]
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Israelgo armada urria osoan bereziki gogor aritu da Gazako iparraldean, eta egunotan ere azken urteko erasorik gogorrenak egiten ari da bertan, ehunka pertsona hilda, gehien-gehienak zibilak eta tartean hamarnaka ume. Herritarrei Gazako hegoaldera joateko agindua eman diete... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.