Hegatsen 43. zenbakia Victor Hugori eskaini diote. Fito Rodriguez EIEko presidenteak hauxe dio aldizkariaren hitzaurrean: “Koldo Izagirrek dioenez (...) Hugo izan da lehena, kanpoko idazleen artean batik bat, bere idazkietan euskaldunak modu folkloriko bezain faltsuan deskribitu izan ez dituena”. Ordainetan, frantziarrari buruz aritu dira Hegatsen orrietan hainbat euskal idazle: Igor Estankonak haren obran murgil egin du; Luis Mari Bandresek euskaldunekin izandako harremanaz idatzi du; Jokin Apalategik Miserableak nobela azpimarratu du. Mikel Alberdiren eta Joxe Azurmendiren artikuluek ixten dute aldizkariaren edukia.