Bigarren aldiz iritsiko da Euskal Herrira Sete Sóis Sete Luas jaialdia. Munduko hainbat herrialdetako 30 hirik osatzen dute jaialdiaren zirkuitua: zirkuitu horri esker, herrialde bakoitzeko artistek aukera dute atzerrian emanaldiak eskaintzeko. Aurten irailaren 4tik 6ra Deban antolatu dute. Herri musika, kaleko antzerkia eta arte plastikoen inguruko proiektuak aurkeztuko dituzte Gipuzkoako herrian, eta, besteak beste, Deabru Beltzak, Il Parto Nuvole Pesanti eta La Gialletta taldeen emanaldiak ikusi ahal izango dira. Jaialdiari buruzko informazio gehiago
www.7sois7luas.com helbidean.