"Lehiaketa handietan tranpa egiten da, zalantzarik ez"
Zorionak! Lortu duzu lehenengo aldiz euskarazko saio bat Bizkaian gehiago ikustea Gipuzkoan baino. Kike Amonarrizek hala esan digu behintzat.
Ez egin kasu handirik iruzurti horri. Baina tira, datu hori egia izan daiteke, bai.
Bizkaieraz egitea zer da orduan, audientzia erakartzeko bitarteko hutsa, edo militantzia kontua?
Nire izaera kontua. Saiatzen naiz sarrerak, agurrak, keinu batzuk... bizkaieraz egiten, bertan bizkaitarrak badaude. Eurak gustura, neu ere gustura, eta badago hurbilketa bat Bizkaia aldera, orain arte egon ez dena.
Nik uste dut Arantzan, Nafarroan, bizi zarenez gero, aprobetxatu behar zenukeela “bertze”, “bederen” eta halakoak esateko. Bizkaiera baino askoz dotoreago, inondik inora.
1997an sartu nintzen ETBn; “zuekaz egongo gara” esan eta zuzentzen zidaten: “Ez egin bizkaieraz!”. Batuaz ari nintzen eta! Zuekaz hori zen problema. Eta orain alderantziz da, bizkaiera plus bat da, lehen minus bat zen.
Baina zelan egin liteke ETBn lan batuaz jakin barik?
Nork diotsu ez dakidana? Irentsi duzu zeuk ere mito hori. Bada, egiten dut batuaz, oso ondo gainera. Zenbat bider ikusi duzu zuk Mihiluze? Niri eman datuak, frogak.
Hara, Ilaski kontraerasoan. Esadazu: zer sentitzen da Kike Amonarrizen laguntzaile izanda?
Minigonan askoz hobeto ematen dut hark baino. Egin genuen proba: test psikologikoan nahiko berdinduta amaitu genuen, test intelektualean ere bai, baina nik askoz izter politagoak ditut Kikek baino, orduan... Azafata izatea neuri tokatu zait.
Eta besoekin hainbeste keinu egitea telebistan ikasitako teknika da, edo etxetik eroandakoa?
Neure teknika propioa da, baina asko daukat kenduta! Autokritika saioa izan zen hori. Inork ez zidan esan, neuk ikusi nuen bideoa eta esan nuen: gutxituko dut apur bat.
Ez zenituzkete zuzenean kanporatu behar Ihimintzioka probaren izena “Ihimintxioka” ahoskatzen dutenak?
Eduki dut pentsamendu hori denbora batean, baina orain ezetz esango dizut, nahikoa da eurak etortzea eta han jartzea, atea zabalik denontzat.
Azken probaren zailtasuna edo erraztasuna erabakitzeko zenbateraino eragiten du krisiak, aurrekontuak alegia?
Horretan legalak gara, ez dago krisirik momentuz. Ez da tranparik egiten lehiaketa honetan, eta horrek harritu egiten nau, telebista izanda...
Zer, barkatu?
Tranpa egiten da telebistan, tranpa egiten da komunikabideetan, tranpa egingo duzu zuk erantzun hauek transkribitzean. Ni askoz argiagoa naiz elkarrizketa honetan agertuko naizena baino.
Baliteke, baina... lehiaketetan tranpa? Ze, zuenean behintzat, guztion dirua da banatzen dena.
ETBn, esango dizut ezetz, baina lehiaketa handietan zalantzarik ez.
Zuek ez, besteek bai noski...
Erraza da eta! Baina guk ez dugu egiten, zintzoak gara. Ni gaiztoagoa izango nintzateke ahal banu, baina azafata hutsa naizenez...
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Atxik Berrituz giristino taldeak Kristauak Euskal Herriko bake prozesuan liburua argitaratu du Maiatz argitaletxearekin. Giristinoek euskal bake prozesuan zer nolako engaiamendua ukan duten irakur daiteke, lekukotasunen bidez.
Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]
Duela egun batzuk iragarri zuen Puntueu-ek La Ligaren blokeoak euskal domeinuei eragiten dien kaltea monitorizatuko zuela. Asteburu honetan izan dira partiduak, hain zuzen, eta monitorizazioaren datuak hor daude, penagarriak dira.