Pistako uren jauzi miresgarria
Larraineko aldaparen behealdean kokatua den Lojibar ostatu inguruetatik abiatuz, bisitari tropelak egin ohi duen ibilbidea hartuko dugu hasiera batean eta hiru ordu laurdenen buru Holtzarteko zaldainerat iritsiko gara.
Alabaina, jende nahiko gutxik egiten duena egitea aholkatuko dizuegu, egun berean zirrara aukera bi edukitzeko xedean. Hala, zaldaina pasa eta gero, Holtzarteko oihanean ondo markatua den xendatik gora egingo dugu. Hogei bat minuturen buru lurbide batekin topo egitean, honetan eskuin alderat hartuko dugu eta beste horrenbeste denboraren buruan zurez eginiko zubi batera helduko gara. Hortxe, goialdetik datorren erreka oso politaren eskuinaldetik gora egingo dugu, lehenik zuhaitzen artean eta aski laster larre gero eta zabalago batean, bidezidorra badelarik beti.
Horrela, zurezko zubitik ordu bat baino gehixeagoren buru, sekulako emozioa bizituko dugu Pistako ur-jauzi miresgarria bat-batean begi aitzinean edukita. Pista hitzak “ur-jauzia” esan nahi du zuberera zaharrez, “turrusta” gehiago baliatua delarik gaur egun. Anartean, guztiz miresgarria da ur-jauzi, pista, turrusta hau, 40 bat metroko altueratik jauzi egiten duelarik ur zuri indartsuak.
Paradisu antzeko leku honetan denbora bat geratu nahi duenak aukera hori izango du, Bortükariak mendi elkarteak berreraikitako artzain txabola zaharrak aterpea eskainiko baitio. Azkenik, jakin ezazu urte oro, ekainaren hirugarren larunbateko eguerdi aldean, hortik pasatzen baldin bazara, Pista peko jai egunean –bazkari xume bat– ongi etorria izango zarela.
Beste ihesaldi batzuk:
- Lete (Nafarroa): Erromanikoa bere apalean (Patxi Larrion)
- Oto Goien (Araba): Bakarrik, ilunpean (Oihane Perea)
- Donostia (Gipuzkoa): Uliaren bizkar ozeanikoa (Ander Izagirre)
- Lizarraga (Nafarroa): San Adrian, Sakana gaineko balkoia (Gontzal Agote)
- Akamarre (Nafarroa Beherea): Bidouze, barnealdeko portua (Itxaro Borda)
- Dima (Bizkaia): Arratia oinpean, lamiak gogoan (Iban Gortazar)
- Bidarte (Lapurdi): Gaztelupeko hondartza (Kike Amonarriz)
Jakoba Errekondo eta Garbiñe Larrea han izango dira, baita Haziak liburuko egileak ere. Superbotereak hezkuntza liburua, Abentura erraldoia komikia... eta, jakina, Inor ez da ilegala-ren postutxoa ere ipiniko du ARGIAk. Aurtengo beste nobedadea: denda fisikoa Andra Mari... [+]
Bukatu da (bukatzen ari da) tomatearen sasoia eta unea aprobetxatu nahi nuke uda honetan izandako kezka eta amorruak orriotara ekartzeko.
2016an ikusi omen zuten lehen aldiz Herrialde Katalanetan. Bi urte geroago, 2018an alegia, Xanti Pagola eta Imanol Zabalegui entomologoek Gipuzkoan azaldu zela jakitera eman zuten. Eta euskaraz izendatu ere bai! Urte batzuk pasa dira eta ez dut esango gure artean ikusteaz ohitu... [+]
Bart arratsean izan da. Etxekoak gintonikari zurrupaka. Ni aspaldi dibortziatu nintzen gintonikarekin. Ginak oso gogoko ditut, hortz-haginak ur, baina tonikak ezin edan ditut, gozoegi eta burbuila zakar gehiegi.
"Oñatiarra da, karisma handia du, baita babes soziala ere", seinalatu dute idatzi batean, sare sozialetako kontu berri baten bidez hedatu dena. Leku ugaritako neska gazteak elkartu dira salaketa egiteko. EITBk bertan behera utzi du, kautelaz, pertsona hori ageri... [+]
Euskalgintzaren Kontseiluak Larrialditik indarraldira adierazpena plazaratu du Euskararen Egunaren atarian. 2025a euskararen normalizazio eta biziberritze prozesua “noranzko egokian jartzeko urtea” izango dela adierazi du. Bide horretan, lehen eginkizuntzat jo dute... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Estirpe Imperial da talde neonazia, besteak beste ezagun egin dena erabiltzen dituen letra faxista eta arrazistengatik.
Gipuzkoako Batzar Nagusietako Kultura Batzordeak, EAJ, PSE eta PPren aldeko botoekin, azaroaren 22ko bilkuran erabaki du Eusko Jaurlaritzari eskatzea azter ditzala “euskal kulturan hain esanguratsuak diren” gurutzeak eta haien inguruko “ohiturak”... [+]