Suzanne Collins idazle eta gidoilari estatubatuarraren azken nobedadea euskaratu du Koro Navarrok, eta Alberdania argitaletxearen eskutik argitaratu. Urtero, Iparramerikaren hondakinetan 24 gazte behartzen dituzte “Gose Joko” izenekoan parte hartzera. Reality show bat da, funtsean, joko hori: pertsona bakarra bizirik atera daitekeen telebistako programa izugarri bat, Kapitolioaren agintearen erakusgarri. Katniss, hamasei urteko neska bat, izango da tiranoen aginteari aurre egiten ausartuko den bakarra. Etorkizuneko mundu distopikoan girotua, Collinsen liburu honek 200.000 ale baino gehiago saldu ditu mundu osoan.