Shakespeare apur bat, eta odol tanta batzuk
Astiberri (2008).
96 orrialde, koloretan. 16 euro.
Agian, kultura modernoaren historian William Shakespeare idazle eta antzerkigilearen The Tempest obrak inspiratu du bertsio gehien. La tempestad zientzia-fikziozko komikia horietako bat da eta, agian, 1611. urtean Londonen estreinatu zen antzezlana –eta haren bertsioak– ez ezagutzeak jokoz kanpo harrapa dezake irakurlea, bereziki liburuaren aurreneko partean. Niri behintzat hala gertatu zait. Iraganera egindako erreferentziek batetik, eta pertsonaia batzuen konspirazio asmoek bestetik, apur bat despistatu naute. Informazio gehiegi denbora-espazio tarte txikian.
Hasierako susto txiki hori gaindituta, istorioak erritmo bizi baina orekatuan egiten du aurrera. Momenturen batean pentsatu dut Tintin ilargira bidean edo antzeko abentura komiki bat neukala esku artean, baina Santiago Garciaren gidoiak eta Javier Peinadoren marrazkiek segituan atera naute tontalditik. Suntsitutako espazio-ontziko tripulatzaileei robot erraldoi batek lepoa nola mozten dien ikustean konturatu naiz oker nenbilela, hau ez dela “gaiztoak zintzoen aurka” istorio ñoñoa.
Pertsonaia (ia) guztiak dira zintzoak –inozoak–, euren amets eta asmo ederrekin, baina batez ere (ia) denak dira gaiztoak, botere goseak jandako gizasemeak. Alegia, izan daitekeela 3567. urteko istorio bat, bere espazio-ontzi eta robot supergaratuekin, baina baita 1611koa, edo 2009koa. Biolentzia eszena ugari daude komikian baina, zer nahi duzue esatea, ez dira desatseginak. Areago, odol jarioek ukitu komikoa –“umore beltza” ere dei geniezaioke– dute. Tragedia eta komedia, Shakespeareren erromantzean bezala.
Ilustrazioei dagokienez, Javier Peinadok erakutsi digu eskola franko-belgikarraren oinorde duina dela. Dekoratuak, espazio-ontzia, robotak... batzuek Edgar P. Jakobs Blake & Mortimer sailaren sortzailearekin alderatzen dute ilustratzaile madrildarra. Hergé eta André Franquin-ekin batera, Jakobs da askoren iritziz eskola franko-belgikarreko sortzaile inportanteena. Peinado multzo horretan sartzea gehiegitxo litzateke baina, egia esan, haren marrazkiek badute antzik Jakobsek egindakoekin. Lapitzaren zein koloreen erabileran antzeman daiteke hori.
La tempestad komikiaren animaziozko promozio-bideoa YouTuben zintzilikatu dute: www.youtube.com/watch?v=Hyr4OHyNeU0
Ostegun arratsaldean hasiko dira baraualdiak, eta bost gune antolatu dituzte ekimenari lotuta: Bilbon, Altsasun, Donostian, Gasteizen eta Iruñean. Larunbat eguerdian, berriz, manifestazio handi bat egingo dute Bilbon, palestinar erresistentziarekin elkartasunez eta... [+]
Miguel Angel Blanco PPko zinegotzia bahitu eta hiltzearen ardura politikoa egotzi nahi zioten, baina auzia preskribatuta dagoela iritzi dute epaileek.
Azken egun hauetan, "Faxistak kanpora!" lelopean EHUko Zuzenbide fakultatean eramandako borroka antifaxistaz hitz egin dugu anonimotasuna atxiki nahi izan duen ikasle batekin. Sare sozialetan frankismoa goraipatzen eta mezu xenofobo, matxista eta homofoboak zabaltzen... [+]
Honakoa dio Arartekoak argitaratu duen ikerlanak. Jarrera matxisten inguruko azterketak Euskadiko nerabe eta gazteetan jarri du fokua. Diskriminazio gehien gertatzen diren espazioak kalea eta sare sozialak dira.
Iruñeko Arrosadia auzotik pasatzen naizen aldiro sartzen dut burua Santa Marta kaleko tailerrean. Hor da Montse normalean: potetxoan pintzela sartu, trapu batean ia pintura dena kendu eta pintzela mihisean igurzten, begiztan. Bere espazio-denboran sartu naiz gaur eta... [+]
Iruñerriko Laneko Autodefentsa Sareak The Champions Burger jardunaldian langileek pairatzen dituzten lan-baldintza kaxkarrak salatu zituen aurreko astean The Champions Bugerrek langileak esplotatzen ditu lelopean.
Aldarri eta kanpaina, lege, arau, plan eta aurrekontu, babes-mekanismo eta zigor-makinaria oro gorabehera, etenik gabe jarraitzen dute kasu gogorrek eta jokabide zitalek betetzen albistegiak, tantaka zein zaparradan, eta gizon-desmasiak salatzeko protesta-ekintzek,... [+]
Ikasi berri dugu Earl Tupper jaunak Floridako Orlandon, 1947an, sortu zuen mila koloretako ontzi enpresa peko errekara doala, desagertzeko zorian dela, preseski. Badirudi plastikoak konkurrente larriak dituela, adibidez, linean egiten diren salerosketena edo erabilpen bakarreko... [+]
Gisèle Pélicot-en kasuak bortxaketetatik haratago dagoen arazo bat erakusten du: gizonezkoon konplizitatea indarkeria matxistaren aurrean. Kezkagarria ez da soilik erasoa, baizik eta, gertatutakoa jakinda, egoera ez salatzea erabaki zuten gizonen isiltasuna... [+]
Gaur egun, gure munduan eraiki diren hierarkia guztiak mundu mailako kolonizazio prozesu baten emaitza dira. Menderatze-hierarkia global horiek elkarren artean txirikordaturiko beste hierarkia zehatzagoek osatzen dituzte, hau da, klasekoek, etnikoek, estetikoek, eta baita... [+]
Directa-ren ikerketa batetik abiatuta ezagutu dugu iruzurra. Bartzelonan egiten ari den belako Amerika Koparen antolatzaileek argitaratutako audientzia eta bisitari kopuruak faltsuak dira. Gaia garrantzi sozial eta politiko nabarmena izaten ari da, faltsututako datu horiek izan... [+]
Irailaren 17ko astean, Israelgo lehen ministro Benjamin Netanyahuk erabaki zuen Hezbollah-rekin Libanon zuen misil trukea beste maila batera eskalatzea, eta erabateko gerra hastea.
Maule, 1892. Zaraitzu ibarreko zortzi emakume espartingile Zuberoako hiriburutik etxera abiatu ziren, baina bidean, Larrainen, elurteak harrapatuta, hotzak hil omen zituen denak. Zortzietatik zazpiren izenak iritsi zaizkigu: Felicia Juanko, Felipce Landa, Dolores Arbe, Justa... [+]