Euskal diasporari buruzko atari berria sortu dute Uruguai, Argentina, Ipar Amerika, Venezuela eta Espainiako euskal etxeen federazioek: www.euskaletxeak.net. Euskal etxeen arteko harremanak sendotzeaz gain, Eusko Jaurlaritzarekin administrazio tramiteak egiteko aukera emango du. Atariak software librea du oinarritzat. Erbesteko argazki, dokumentu eta testigantzak bildu dituzte, besteak beste.