Antonio Banderas, Liam Neeson, Laura Linney eta Romola Garai dira Richard Eyre ingelesaren The Other Man filmeko protagonistak. Hark emango dio hasiera Donostiako Zinemaldiaren 56. edizioari hilaren 18an. Eta Rian Johnson estatubatuarraren The Brothers Bloom filmak itxiko du 27an. Adrien Brody eta Rachel Weisz dira pelikula horretako aktore nagusiak. Bestalde, Zabaltegiren inaugurazioan Penelope Cruz eta Woody Allen izango direla adierazi dute antolatzaileek. Baita Urrezko Maskorra irabazteko hautagaien artean zuzendari ezagunak daudela: Michael Winterbottom britainiarra, Daniel Burman argentinarra, Courtney Hunt amerikarra eta Kim Ki-duk hegokorearra, besteak beste.