Helburua, euskaraz momentu goxoa igarotzea. Horixe lortu nahi dute Euskal Kultur Erakundeak eta AEK-k. Horretarako antolatu dute Hitzaditza, euskarazko diktaketaren hirugarren edizioa. Aurten hiru diktaketa izango dira; bata 13 eta 16 urte artekoentzat, bestea euskara ikasten ari direnentzat eta hirugarrena euskaldunentzat. Maiatzaren 31n izango da saioa, Baionan, AEKren egoitzan.