Ararteko erakundeak 2006an emandako laguntzari esker egin ahal izan du José Zarauzek Incidencia del padrón municipal en el ejercicio de los derechos de las personas extranjeras en situación irregular izeneko ikerlana. Egoera irregularrean dauden atzerritarren eskubideak aztertu ditu, batik bat. Pertsona horiek gure hiri eta herrietan bizitzen ari dira, baina paradoxikoki, orain arteko legedia dela-eta ez dute lan-baimenik, ez egoitza-baimenik eta edozein unetan zigorra jasan dezakete.