Euskal Herriko Zuzenbide Historiko eta Autonomikorako aldizkaria da Iura Vasconiae. Bere laugarren zenbakian iaz, “Armada Euskal Herrian” gogoeta-gai hartuta, Donostian egindako symposiumean aurkeztutako lanez dihardu. Besteak beste liburuak honako gaiak bildu ditu: Rennesko unibertsitateko Marie-Laure Goebbelsek euskal lurraldeetako erakunde militarrak kontuan hartuta XIX. mendera arte osatutako historia; Nafarroako Unibertsitateko Roberto Ciganda Elizondok sortutako Nafar gudarosteak Europako gatazketan, lehen Evereuxtarren agintepean (XIV. mendean) azterketa; Susana Truchuelo Garcíaren Erregeari zerbitzu militarra eskaini beharra: Arabako eta Gipuzkoako kasuak (XVI.-XVII. mendeak) ikerketa; eta EHUko José Manuel Castells Artetxeren Defentsaren arauketa II. Errepublikako euskal estatutuetan lana.