Giza eskubideen zinemaldia
Donostiako Giza Eskubideen VI. Zinemaldia hilaren 18tik 25era ospatuko da, eta sail ofizialean 32 film proiektatuko dituzte. Gaiaren arabera 16 atal bereizi dituzte: gerra, xenofobia eta emakumeen kontrako indarkeria, besteak beste. Jaialdiaren baitan, dantza ikuskizunak, antzerkia, erakusketak eta musika emanaldiak ere izango dira. Bestalde, aurtengo edizioan Elias Querejeta ekoizle hernaniarra omenduko dute “giza eskubideen alde egindako lanagatik”. Informazio gehiago: www.cineyderechoshumanos.com.