“Idazle izatea ofizio xixtrin eta apala baizik ez da”
- Hankaz gora dago mundua. Bakoitza bere autoan bizi da, Txinako aireportuetan Errealeko elastikoak saltzen dituzte, eta Haragia liburu-dendan erosten da.
Eider Rodriguez delako batek dixit: “Liburugintza sektorea oso-oso ustela da”.
Sormen lan bat produktu bilakatzen denean usteldu egiten da. Hor ez dago ez edertasunik, ez mundua aldatzeko nahirik, hor dirua irabazteko grina dago. Horregatik diot literaturaren arerio handiena liburugintza bera dela.
Nik uste nuen literaturaren etsai handiena liburu-aurkezpenetan kaka esplikatzeko dagoen joera patologikoa zela!
Ez baduzu aurkezpenik egiten liburu hori ez da ateratzen, apenas daukan oihartzunik. Etxe-kalte jokatzea litzateke, eta gauzak dauden bezala, ezin dugu pribilegio hori hartu.
Gizajoak, zuek, piztia mediatikoak bihurtzera kondenatuta zaudeten literaturaren seme-alabak.
Azken finean, dena da produktu, dena merkatu, dena dago erosgai, eta gu ere bai. Pertsona mediatikoa izatea plus bat da saltzeko, ezagunagoa izateko, karrera egiteko, baina idazteko ez.
Baina, neska, idazteak ez du dirurik ematen!
Liburu bat idaztearen ordaina erridikulua da. Idatzi ahal izateko sekulako malabarismoak egin behar dira. Lotsagatik ez dugu sekula diruari buruz hitz egiten. Nahiago dugu arazoa irentsi zezenari adarretatik heltzea baino.
Jakina, errazagoa da balizko lehen nobelari buruz espekulatzea…
Film laburra egiten duenari beti galdetzen zaio noiz kaleratuko duen film luzea, baina ehun metroak korritzen dituenari maratoia noiz egingo duen galdetzen zaio?
Idazle bat izerditan ikusten dugunean, agian…
Idazle izatea gauza eder, handi eta arranditsutzat dugu, baina ofizio xixtrin eta apala baizik ez da.
Primeran gelditu zaizu.
Idazle izatea iragazkia izatea da, mundua eta zure artean dagoen iragazkia zure testu bat izatea.
Ez esan iragazki izateko idazten duzunik.
Ez dakit zergatik idazten dudan. Ez dut inongo plazerik hartzen, ez zait gustatzen liburua plazaratzean sortzen den oihartzuna, ez naiz gustura sentitzen irakurlearekin hizketan, nahiago dut irakurri idatzi baino, eta hala ere...
Lasai, masokismoa modan dago.
Estetikarako joera bat da. Bakoitzak edertasuna edo itsustasuna bilatzeko daukan modu bat. Ez dakit apalagoa edo goragokoa, baina idazketak beste dimentsio bat ematen dio norbere bizitzari.
Idazketak beste dimentsio bat eman? Horretarako kritikak daude!
Begi batekin eta zeharka irakurtzen ditut... jajajaja.
Inkesta gehienen faboritoa Daniel Noboa egungo presidente eskuindarra izan arren, aurreikusitakoa baino tarte txikiagoa atera dio Luisa Gonzalez hautagai correistari. Apirilaren 13an egingo da bigarren itzulia.
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Euskal herritar ugari saritu ditu Espainiako zine akademiak pasa den asteburuan banatu diren Goya sarietan. Artikuluaren bigarren partean, zeresana eman duten hainbat kontu aletuko ditugu.
AEB inportatzen dituen altzairu eta aluminioari %25eko muga zergak ezarriko dizkiola iragarri du Donald Trumpek. Ez du zehaztu noiz sartuko den neurria indarrean.
Bien arteko su-etena indarrean sartu zenetik hiru aste bete direnean, Hamasek guztira 21 bahitu askatu ditu eta Israelek, berriz, 730. Bahitu israeldarren irudiak "gizateriaren aurkako krimen baten adibidea" direla salatu du Israelgo presidente Isaac Herzogek.
Gizarte palestinarrarekin elkartasunean luzatutako Boikota, Desinbertsioak eta Zigorrak kanpainak "baterajotze nazionalera" deitu du otsailaren 15erako Carrefourrek Hego Euskal Herrian dituen bost merkataritza zentrotan.
"Gaia argitu arte, irakaslea ez da campusera itzuliko", adierazi du Joxerramon Bengoetxea errektoreak, eta gehitu du "bitartekaritza" bat abiatu dutela zer gertatu den ikertzeko eta horren aurrean zer egin ikusteko. EHUko Ikasle Kontseiluko lehendakari... [+]
"Adostasun zabaleko gutxieneko programa amankomun bat" oinarrian izatea posible da, EH Bilduren esanetan. Zerrenda bateratuak osatzea lehenetsiko du Espainiako eta Europako hauteskundeetan, Frantziako Estatuko Fronte Herritar Berriaren tankera hartuta.
Bizkaiko Foru Aldundiak abiatutako proiektuak "herritarren benetako beharrei" erantzuten ez diela salatu dute, Subflubiala EZ! plataformak deituta. Autobideak eraiki ordez, instituzioek garraio publikoa sustatu behar dutela adierazi dute.
Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.
Erroldarik gabe izaterik ez ekimenak Gasteizko Udalaren bi barne dokumentu eman zituen argitara urtarrilaren 30ean. Udalerrian erroldatzeko irizpide murriztaileak jasotzen dira bertan, “bidegabeak eta ilegalak”, eragilearen esanetan, herritar baztertuenen kaltetan... [+]
Batzuetan ez dakit gehiegi ez ote den. Pipa janean gaudela, beste edozer gauzaz hitz egiten gaudela, gaia ateratzea. Ozen hitz egitea gustatzen zaigu guri, ia isilunerik ez uztea, ahotsak teilakatzea, zeinek handiagoa botatzea. Hitz egitea bakoitzak bereaz, bakoitzak... [+]
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.