Industriaren etorkizuna
- MCC taldea, Asian eta Europako ekialdean egiten ari den negozioen aldeko ahalegina baztertu gabe, negozio esparru berriak identifikatzeko jarduera plana garatzen ari da. Baliteke negozio horiek energiari eta osasunarekin zerikusia duen guztiari lotuta egotea.
Azken hilabeteetan Mondragón Corporación Cooperativa Euskal Herriko Talde ahaltsuaren inguruko ia informazio guztiak atzerrian lortzen ari den hedapenaren ingurukoak izan dira. Hedapen hori Asia eta Europako ekialdean gertatzen ari da, baina, bereziki, Txinan. Horrez gain, Errusia zein Indiara begira egindako proiektuak lantzen ari da. Eta, hori garrantzizkoa eta diru kutxen ikuspuntutik oso errentagarria izanagatik ere, ez du ematen kooperatiba taldearen barruan gertatzen ari den gauzarik inportanteena denik. Taldearen industria sailaren etorkizuna da garrantzitsuena, baita kezkagarriena ere. Ondorioz, gogoeta eta bilera ugariren eragile izaten ari da. Konfiantza handia dago finantza sailaren egoera eta eboluzioan –Euskadiko Kutxa, Lagunaro eta abar–, baita merkataritza banaketarako sortutako sailarenean –Eroski– ere. Hala ere, industria sailaren etorkizuna ez da hain argia, eta, gaur egun, lan eta kezka iturri handiena da kooperatiba taldeko arduradunentzat. Ondorio hori ateratzen da, behintzat, aldizkari honek lortu dituen azken informazioetatik, eta, aurreko udaz geroztik presidente berria denak, Jose Maria Aldekoak, jendaurrean egindako azken agerraldietan adierazitakoetatik.
Produkzio modua aldatu
Aurreko urriaren amaieran, MCCko presidenteak Bilboko Finantza Elkartean hitz egin zuen. Haren esaldi bat deigarria eta harrigarri samarra izan zen bertaratutakoentzat, ondo baitakite zein den euskal kooperatiba taldearen egoera. “Gaizki ibiliko gara ez badugu aldatzen gure industria saila”, esan zuen Aldekoak. Jakina denez, Fagor da industria sail horren ikurra. MCCn uste dute ez dela aski hazi, negozio gehiago egin eta diru gehiago irabaztea, euskal kooperatiba garrantzitsu horren sorrerako joerari leial izateko. Horrekiko zintzoa izateak enplegua bere gune naturalean, Euskal Herrian, garatzea eskatzen duela pentsatzen jarraitzen dute.
Horregatik, Asia eta Europako ekialdeko negozioen alde egiten jarraitzen badute ere, oraindik kezka eta erronka handiagoa dute: hemen enplegua sortzea, industria sailaren bitartez. Eta, horretarako, industria sailaren etorkizuna argitzeko ahaleginak egin behar direla irizten diote. Horrenbestez, Euskal Herriko produkzio egiturak progresiboki aldatu beharko dituzte, eta balio erantsi handiagoko zereginetarantz jo. Gainera, orain arte presentziarik izan ez duten hainbat sektoreren alde egin beharko dute.
Hain zuzen ere, euskal kooperatiba taldeak oraindik gauzatu gabe dituen zereginetako bat jarduera industrialaren alor berrietan murgiltzea da. Bilboko Finantza Elkartean emandako hitzaldian, Aldekoak hau esan zuen: “Onartu behar dugu orain egiten duguna orain dela hamarkada bat baino gehiago egiten genuen gauza bera dela; orain, askoz hobeto egiten dugu, baina gauza bera da”. Horregatik, orain, MCCren egitura guztiak, negozio berriak identifikatzen ahalegintzeko jarduera plan bat gauzatzen ari dira. Badirudi negozioa egiteko aukera eman lezaketen bi sektore identifikatuta daudela: energia eta osasuna.
2007an salmentek %22 gora
Oraindik goiz da iazko ekitaldi amaitu berriari buruz datu ofizialak emateko. Guztiarekin ere, beste behin, MCC Taldeak 2007an lortutako emaitza ekonomikoak ikaragarriak izan dira, inoiz izandako onenak. Hori ondorioztatzen da urteko lehen bederatzi hilabeteetako datuetatik. 2007. urtearen amaierako kalkuluen arabera, bazirudien fakturazioa %8 inguru handituko zela. Oraingo kalkuluek, berriz, kopuru hori nabarmen gainditu dela adierazten dute, %22 ingurukoa baita. Horrek esan nahi du Taldeak guztira iaz saldutakoa 16.000 milioi eurotik gorakoa dela; 2006an baino ia hiru mila gehiago. Eta egoera bikain horretan ez da bakarrik erabakigarria izan Caprabo-ren akzioen %75 Eroskiren egituran sartu izana, gainerako negozioak ere oso ondo joan baitira.
Euskal kooperatiba taldearen enplegua, 2007aren amaieran, 86.000 ingurukoa zen; 2006an, berriz, 81.880 ziren. Filosofia kooperatibistaren ikuspuntutik, esan beharrekoa da une honetako enplegatuetatik 30.000 baino ez direla kooperatibistak. MCCren helburua hurrengo bost urteen buruan langile guztien %70 bazkide izatea da, edo, horretarako arazo juridikoak dituztenen kasuan, nolabaiteko lotura izatea, behintzat, bakoitzaren enpresaren kudeaketa eta etekinekin.
Eskoziako Lur Garaietara otsoak itzularazteak basoak bere onera ekartzen lagunduko lukeela adierazi dute Leeds unibertsitateko ikertzaileek.. Horrek, era berean, klima-larrialdiari aurre egiteko balioko lukeela baieztatu dute, basoek atmosferako karbono-dioxidoa xurgatuko... [+]
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
.jpg)
Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]
Julen Linazaroso Macsonrisas-eko kideak azaldu duenez, sari-bolek, harrapakin-kutxek eta enparauek bideojokoetan ordu gehiago jokatzea dute helburu. 35 eta 64 urteko pertsonen artean bideojokoen erabilerak gora egin du 2023tik 2024ra, Ipsosek emandako datuen arabera.
Oldarraldi faxistaren aurrean askatasuna leloarekin manifestaziora deitu dute dozenaka herritarrek. Ostiralean —hilak 21— 19:00etan Herriko Plazatik abiatuko da protesta, eta ahalik eta jendetsuena izatea nahi dute deitzaileek, faxismoaren oldarraldiari galga... [+]
SPRI sozietatearen eraikinaren aurrean elkartuko dira langileak hurrengo asteko ostiralean.
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.
Salburuako futbol kantxetan polizia-operazio planifikatu bat egin zuen igandean Ertzaintzak, eta Gasteizko GKSk nahiz Gasteiz Antirrazista eragileek salatu dutenez, bertan zeuden pertsona ugari identifikatu, miatu eta kolpatu zituzten.
Ostegunean prentsaurrekoa egin dute antolatzaileek Maiatzaren 3an Bizkaia Arena-BEC!en egingo den ekitaldiaren xehetasun gehiago aurkezteko. Ikuskizuna euskal herrian ezagunak diren hogei pertsona baino gehiagok parte hartuko dute eta 14.000 ikuslerentzat izango da.
Baldintzapeko askatasunaren alde agertu bada ere Parisko dei auzitegia, ekainaren 19ra atzeratu du epaia, Georges Ibrahim Abdallahk ez dizkielako kalte-galerak ordaindu AEBei. Baldintzapeko askatasunaren alde agertu zen azaroaren 15ean Frantziako Zigorrak Aplikatzeko Epaitegia,... [+]
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]