Izotzak suari begiratzen dionean
- Urrunera begiratu arren, bailarak non amaitzen diren ikustea ez da erraza Islandian. Zerumugan ageri diren mendiek, hala ere, ez dute euren handitasunik galtzen. Amerikako plaka eta Europakoa elkarrengandik zelan banatzen doazen ikusi dugu, Lurra etengabe mugimenduan dagoela sentitu ere bai. Sufre usaina dago, eta geiserrek oraindik ere bisitariak harritzen jarraitzen dute. Mila kolore eta formako ur-jauziek busti gaituzte. Europako glaziarrik handiena zelan urtzen den ikusi dugu, icebergez jantzitako aintzira berezia sortuz. Harea beltzezko hondartzetatik ibili gara. Baina Laugavegurinn izeneko zeharkaldia da Islandiak ezkutatzen duen altxorrik ederrena. Hona hemen han emandako egunen kronika.
Reykjavik atzean utzi eta normalean udan baino bisitatu ezin daitezkeen lurraldeetan sartu gara autobusez. Harea beltzezko basamortu zabalean bat-batean egindako bideetatik doa autobusa, errekak zeharkatuz gurpil erraldoiei esker. Basamortu beltzek goroldio berdez jantzitako mendi eta bailarei eman diete lekukoa.
Lau orduko bidaiaren ostean Landamannalaugarreko kanpalekura heldu gara. Espedizio bateko oinarrizko kanpamendua dirudi. Gurpil handidun autobusak eta kamioiak, kanpin dendak... Ez da ezer falta. Autobus bat supermerkatu txiki bihurtu dute –Mountain mall– eta beste bat kafetegi. Spa edo jakuzzirik ez, baina ur termalik ez da falta.
Ur termaletan etzanda
Kanpina ipini, zeharkaldirako beharko dugun mapa erosi eta bainu hartzera joan gara. A ze plazera! Bero-berotan, eguzkiari begira, Landmannaulagarren dabilen haize bortitza sentitu barik. Ordu erdi inguru egin dugu sufre usaindun uretan beratzen. Gero, ahalik eta arinen janztea izan dugu erronka, hoztu barik. Lortu egin dugu, baina ordubete igaro baino azkarrago hezurretaraino heldu zaigu haize hotza. Landmannalaugarren beti egiten du hotz. Fjallabak parke nazionalaren bihotzean gaude, inguru geotermal handienetako batean. Rhyolite izeneko haitz bolkanikoaren erreinuan, mendi koloretsuz inguratuta.
Planetaren erraiei sufre usaina darie
Izotza eta sua. Kontrasteak, koloreak, lasaitasuna, zabaltasuna... Hori da Islandia. Jules Vernek hemen hasi zuen Lurraren erdigunera bidaia eta ez da kasualitatea; zenbait lekutan barneko zaratak entzuten dira. Haserre batzuetan eta beste batzuetan bareago. Lurrari kea dario zenbait lekutan eta sufre usaina zabaltzen du haizeak.
Landmannalaugar utzi eta Laugavegurinn izeneko bideari ekin diogu. Termen bideari. Zeharkaldi osoan ez dugu jatekorik topatuko eta, beraz, lau egunetarako janaria aldean eroatea komeni da. Helburua, lau egunean Thor jainkoaren basora heltzea. Gorantz hasi dugu ibilbidea pastel koloretako mendi artetik, sufrezko keak inguratuta.
Lau orduan heldu gara Hrafntinnusker-era. Honako bidean ikusi duguna zoragarria izan da eta zeharkaldirik ezagunena izan arren, ez dugu ia inor topatu. Basaltozko harriek distira egiten dute eguzkitan. Aterpetik kilometro eta erdira izotzezko kobazuloak daude, Lurretik datorren berotasunak hautsitako glaziarrean.
Bigarren egunean gora eta behera hasi dugu bidea, eta helmugara hubildu ahala ikuspegia ikusgarria da. Berdez jantzitako mendiak glaziar erraldoiei eutsi gura diotela ematen du. Izen luzedun hiru glaziar ageri dira eskuman, Álftavatn-eko lakuaren inguruan. Aterpea dago laku ondoan, eta baita beste bat ere handik ordubete ingurura, Hvanngil izenekoa.
Apar-harri gainean ibiltzen
Hirugarren eguna dugu, eta oso goiz ibili gara, sekulako eguraldia lagun. Bide erdia mahuka motzetan egin dugu. Hori bai, ibiltzen hasi eta ordu bira errekatik igaro behar izan dugu. Oso hotz dago eta hanketan min egiten du. Uraren indarra izugarria da. Aurretik ere errekaren bat edo beste aurkitu dugu, baina harrien gainetik pasatu gara. Bidearen zatirik handiena, hala ere, Emstrur-eko desertu beltzean zehar egin dugu, apar-harri gainean. Hareatan ibiltzea bezalakoa da: asko kostatzen da pausu bakoitza egitea. Sei orduren ostean heldu gara gaurko helmugara.
Thórsmörk, Thor jainkoaren basoa
Biharamunean, arroila zeharkatu eta berarekiko paralelo goaz. Txarrena Thórsmörkera heldu orduko etorri da: ur-lasterrak dituen erreka zabaletik pasatu beharra. Horren ostean, Thorren erreinuan sartu gara. Berde zein gorriz jantzitako baso polita. Perretxikoen ostean iratxoren bat agertuko dela ematen du. Ibilaldiaren amaiera adierazten duen panela dugu aurrean.
Gune bi eta aterpe bi daude Thórsmörk-en. Ezkerretara eginez gero Langidalur-era bidea dago. Aterpea bera leku ikusgarrian dago, mendiek inguratuta, glaziar biren zaintzapean (Eyjaliallajökull eta Myrdalsjökull). Skogar-era bidea egin gura dutenek bertatik atera beharko dute. Beste egun biko bidea da berez, baina batzuek egun bakarrean egiten dute. Skógafoss izeneko ur-jauzietan amaitzen da ibilbidea.
Beste gunea Husadalur da. Ez dago horren leku zoragarrian, baina ur termalak daude bertan. Ordainduz gero, sauna eta bungalowak ere erabil daitezke. Reykjavikera eta ring roadera –Islandiako errepide nagusira– joateko autobusak bertatik ateratzen dira. Horietako batean alde egingo dugu, lau egunez inguratu gaituzten paisaia harrigarriei agur esanez. Itzuli egingo gara.
- Ikusi bidaia honetako argazkiekin osatutako diaporama.
Urriaren 24tik Espainiako Estatuko hedabide guztietako lerroburuak eman dizkiote Iñigo Errejóni, eta maiztu arte erabili dute haren izena, ezker-eskuin. Gutxitan ikusten den zarata mediatikoa lortu du, eta badirudi oihartzunak luze jarraituko duela. Orain... [+]
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Jokoteknia Bideojokoen Euskal Jardunaldiaren zazpigarren edizioa azaroaren 9an (larunbata) egingo da Bilbon, Euskararen Etxean, 09:45etik 13:00etara. Jokoteknia jardunaldietan euskal bideojokogintza industriako aditu eta jokalariak batera jarri ohi... [+]
Urriaren 31tik azaroaren 2ra Gazte Koordinadora Sozialistak eta Ikasle Abertzaleak-ek Gazte Topagune Sozialista egin dute Altsasun (Nafarroa). Europan eta Euskal Herrian hedatzen ari diren “proiektu atzerakoiak” jarri dituzte jomugan eta joera horiei ez dietela... [+]
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.
Turkiaren ekimena babestu dute nazioarteko herrialde ugarik, gehienak arabiarrak edo islamiarrak, baita Hegoafrika, Brasil, Kuba, Errusia, Norvegia eta Vietnamek ere, besteren artean.
Ugariak dira Dana denboraleak Valentzian eragin duen hondamendiaz egin diren irakurketak. Beste faktore batzuen artean, gizakiak naturari ebatsitako eremuez luze mintzo dira hedabideak, ibai eta itsaso ertzak hormigoiarekin betetzeak duen arriskua dela-eta. Hormigoiarekin... [+]
Kasu Hegoaldeko begirada horri. Lehen-lehenik desmitifikatu larre berde, etxe zuri eta teila gorrien lur ederrekiko miresmen itsua, halako maitasun inkondizionala, hizkerari eta ustezko bizitzeko manerari loturiko fetitxismoa. Utz, Ruper Ordorikari sarri entzun gisan,... [+]
Korrika eta presaka ekarri dute megafonoa. Hau onartezina da. Hau ezin da onartu. Denok batera oihu egin dezagun, ezin dugu honela jarraitu. Zurean ere sartu direla? Bai arrazoi duzu, jo ditzagun txaloak zuretzat. Hurrengo astean hemen batuko gara denok eta aurre egingo diegu,... [+]
Iragarritako heriotza baten kronika. Donostiako Udalak Egiako Kaleko Afari Solidarioak debekatu ditu, «segurtasunaren» aitzakian. Bizpahiru urte dira Egian segurtasuna guztien ahotan dagoela, eta azken hilabeteotan, talde eskuindarren gorakadarekin, egoerak okerrera... [+]
Azken asteetan mobilizazio arrazistak piztu dira Gasteizko Errota eta Donostiako Egia auzoetan, eta biek iragarri dute asteroko deialdiei eusteko asmoa. Haien artean desberdintasunak daude, baita antzekotasun asko ere: sustatzaileak anonimoak izatea, konfrontazioa bilatzea, edo... [+]
Naturopatiaren eta iridiologiaren mundutik iritsi zen Eztizen Agirresarobe Pineda ezkiotarra kosmetika naturalaren mundura: “Hirugarren urtea dut naturopatia eta iridiologia ikasketetan, baina lehenagotik ere egiten nituen ukenduak, kakaoak, eta antzekoak”, azaldu... [+]
Mendirik altuenetako okoilu gordeetan. Ziztu biziz haize hotzak zazpi hilabetez neguztatzen duen zokoan. Udan igotzen dituzten azienda saldoek motzean eusten dioten belaze bazterretako zuhaixken altzoan. Bertan ezin biziraunari eutsi eta basoak ere txil egin eta urrun-urrunera... [+]