«Diskoa esku artean izanda lasaitasuna sentitu dut»
- Duela bi urte ezagutu genuen, bere lehen disko laburraren harira. Oraingoan, Jone 21 urteko kantari anoetarrak (Gipuzkoa), Kateak dakarkigu, hamaika abestiz osatutako lan berria. Berriro ere, Bonberenea Ekintzak zigiluak eman dio horretarako aukera eta Karlos Osinaga “Txap” aritu da teknikari lanetan.
Diskoa kaleratu berri duzu, noiz sartu zineten grabazio estudioan?
Apirilean sartu ginen, Aste Santuan. Orduz geroztik beste bi saio ere egin genituen: maiatzean eta ekainean. Nirekin batera grabazio lanetan aritu dira Karlos Aranzegi eta Iñigo Arruti, baterian; Joni Ubeda, baxuan; eta Imanol Goikoetxea, gitarran.
Aurreko lanak sei kanta zituen. Orduan esan zenuen grabaketa eramangarria egin zitzaizula. Zer moduzkoa izan da oraingoa, kontuan edukita abesti kopurua ia bikoitza dela?
Alde horretatik aldaketa nahiko handia izan da. Aurreko lanean sei kanta ziren baina bat lehendik grabatua zegoen, Martxaundi Tolosaldeko taldeen disko bildumarako. Beraz, estudioan bost abesti grabatu genituen. Hori astebetean izan zen, nahiko azkar. Oraingoan berriz, hamaika dira, horrek dakartzan estudioko orduekin. Hor dago, batez ere, disko honetako ezberdintasuna, abesti kopurua igo egin da eta horrek lan gehiago eskatzen du.
Zergatik Kateak izena?
Kateak hitzak indarra eta esanahia du. Modu abstraktu batean esanda, diskoa osatzen duten hamaika kantuek lotura dute kateekin. Harremanez, estutzen gaituzten loturez, gustuko ditugunez, puskatzen direnez... hitz egiten dut.
Diskoa esku artean izanda, zer iruditzen zaizu?
Hori entzuleak esan beharko du. Ni oso gustura geratu naiz egindako lanarekin eta behin diskoa eskuetan izanda lasaitasuna ere sentitu dut, hainbeste denboraz horrekin aritu ondoren fruitua heldu delako. Sentsazioa oso ona da.
Aspalditik idazten dituzu abestiak. Lan honetakoak ere zeureak al dira?
Atertu kantako hitzak Juanjo Olasagarre idazlearenak dira eta doinua Imanol Ubedarena. Kantu hori salbu, besteak neuk idatziak dira.
Zer agertzen duzu hitzetan?
Kanta bat idazterakoan momentuari begiratzen diot, batez ere; une horretan ikusi, sentitu, pentsatu edo kontatu nahi dudanari. Horretaz hitz egiten dut. Horregatik kantetan askotan agertzen dira pertsonak, askatasuna, maitasuna... sentimendu ezberdinak.
Abesti batean esaten duzu “Orriak biluz-biluzik parean arkatza atzamar biren artean. Ohe egin gabearen gainean kantu bat hainbat hitz xume zuretzat”. Horrela irudikatu behar al zaitugu kantak sortzean?
Ez, gitarra akustikoarekin sortzen ditut baina ez irudi horrek markatzen duen bezala. Etxean, gitarra akustikoa hartu eta pixkanaka melodia eta musika sortzen ditut. Batzuetan, sortu eta grabatu egiten dut. Baliteke hurrengo egunean ez gustatzea eta aldatzea. Edo gerta liteke denboraldi batez baztertuta uztea eta gero berriro hartzea. Azkenik, soinuari esanahia emateko hitzak jartzen dizkiot.
Berriro ere, Bonberenea Ekintzakekin grabatu duzu. Zer esan nahi du, musikaren egoera ikusita, Bonberenea bezalako zigilu baten babesa izateak?
Aitortu behar dut izugarrizko zortea izan dudala Bonberenea bezalako talde edo gaztetxe batekin lanean aritzean. Lehendik ere hasita nengoen gauza txikiak egiten baina beraiek beste pauso txiki asko ematen lagundu didate. Horrelako figura bat egotea oso ona da musikari hasiberrientzat. Izan ere, gaur egun musikan aritzea ez da gauza erraza. Oro har, beraien lana aipagarria da egungo egoeran.
Jada hasia zara kontzertuak eskaintzen. Noren laguntza duzu taula gainean?
Zuzenekoetan Imanol Goikoetxea, gitarran; Iñaki Larrea, baterian; Beñat Let, baxuan; eta ni arituko gara. Baliteke nonbait akustikoren bat eskaintzea bakarka baina normalean laukotean ibiliko gara.
Bigarren diskoa duzu eskuartean, aurkezpen kontzertuetan zabiltza... Hori baino urrunago begiratzen al duzu?
Orain ez dut etorkizunean gehiegi pentsatzen. Denbora gutxi igaro da diskoa kaleratu zenetik eta zuzenekoen fasean gabiltza. Helburua Kateak lana leku ezberdinetan aurkeztea da. Gero zer etorriko den auskalo. Kantuak sortzen nabilen bitartean eta gustura nagoen artean horretan jarraitu nahiko nuke, era batera ez bada bestera. Etorkizuna etorriko da. Garrantzitsuena orainaldia ongi bizitzea, aprobetxatzea eta ahalik eta gehien disfrutatzea da.
Jan-edanean zeuden denak, itxuraz alai, baina baten bat urduri zebilen aperitibo eta aperitifa artean. Bigarrenez jasoko zuen saria, baina eskuetan edukiko zuen lehenbizikoa izango zen. Eta urduri zegoen, oroigarriak bulegora heldu beharra zeukalako, joder. ARGIA Sariak ez dira,... [+]
Gauzak bizi eta azkar aldatzen badira ere, zenbait kontu ez dira aldatzen: Argia Sarien ekitaldia da horietako bat. Horixe esan dio kronikagile honi beharrera etorri den kanpoko kazetari batek, ARGIA asko aldatu dela esatearekin batera, sari-banaketa hasi aurretik. Onerako ari... [+]
EITB Kultura telebista saioak jaso du Argia Saria euskal kulturgileen lana bistaratzeagatik, Euskal Herriko txoko guztietako proiektuak telebista publikora ekartzeagatik, eta egiten duten kalitatezko ikus-entzunezkoagatik. Saria Leire Ikaranek eta Kerman Diazek jaso dute, Berde... [+]
Prentsako Argia Saria Irutxuloko Hitza-rentzat izan da, eskuin muturraren igoerari egindako jarraipenagatik eta talde erreakzionarioen benetako aurpegia erakusteko kalean hor egoteagatik. Aurten 20 urte beteko ditu Donostiako hedabideak. Aizpea Aizpurua, Andrea Bosch,... [+]
Entzunezko Argia Saria BaDA!bil podcastak jaso du, Hiru Damatxo ekoiztetxeak ekoitzitakoa, eta Gerediaga elkarteak eta EITBk finantzatutakoa. Podcastak kulturgintzan dabiltzan lau mahaikidez osaturiko bost mahai inguru jaso ditu Durangoko Azokaren bueltan. Saria jaso dute Amets... [+]
Hamabost urteotan gazteenen artean euskara sustatzeko egindako lanagatik eta lortutako arrakastagatik, Merezimenduzko Argia Saria Ene Kantak proiektuarentzat izan da. Saria Nerea Urbizu, Fermin Sarasa eta Jesus Irujok jaso dute.
Seme-alabek lehen mugikorra izateko adina atzeratzeko eskolaz eskola egindako lanagatik eta lortutako emaitzengatik, ikastetxeak mugikorrik gabeko arnasgune izateko borrokagatik, kanpaina onenaren Argia Saria guraso elkarteek osaturiko Altxa Burua ekimenarentzat izan da... [+]
Galtzaileen herri ondarea sarean jartzeko erakunde publiko batetik egindako ahaleginagatik, ahots gabeen ahotsa entzuteko aukera emateagatik, eta batez ere, Nafarroak aitzindari izaten segi dezan oroimen historikoa berreskuratzeko bidean, Interneteko Argia Saria Nafarroako... [+]
Onintza Irureta Azkunek egin du hitzartzea ARGIAko lantaldearen izenean:
"ARGIAko komunitatea osatzen duten milaka lagunetako batek berriki adierazi digu batzuetan ARGIA iluna dela, barruak mugiarazten dizkion albiste gogorrak daudela. Lan ona egiten dugula, baina... [+]
Sei sari banatu ditugu aurten: ikus-entzunezko saria EITB Kultura telebista saioari eman zaio, prentsako saria Irutxuloko Hitza Donostiako hedabideari, entzunezko saria BaDa!bil podcastari, interneteko saria Oroibidea bilatzaileari eta komunikazio kanpaina onenaren saria Altxa... [+]
Ekimenak erreferendum eskaera egin du eta Shirley Weber estatu idazkariak onartu. Orain, prozesuari jarraipena emateko, 546.000 sinadura lortu behar dituzte datorren uztailerako. Marcus Evansek egin du eskaera.
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.
Arizona
Aktoreak: Aitziber Garmendia eta Jon Plazaola..
NOIZ: urtarrilaren 26an.
NON: Berrizko Kultur Etxean. plazan.
-------------------------------------------
Arizona eta Mexiko banatzen dituen muga zaintzera abiatu da Idahotik Margaret (Aitziber Garmendia) eta George (Jon... [+]