69
- Izarak zikintzeko bideak erakutsi dizkidazue, lagunak. Hamaika. Zein baino zein bitxiago. Dardara batean jarri dira etxeko maindireak, sexu-eskolako sermoi heze horiek direla-eta. Esku bakarrez irakurtzekotan izan naiz, zuen artikulu labaingarri horiek.
Bat-batean gogoratu zait ezen politika eta erotismoa oso hurbilekoak direla. Kama-Sutra bildumak behinola aldarrikatu zuenez: “Liskar batekin alderatu daitezke sexu harremanak, maitasun-kontuek istilu eta lehia bilakatzeko duten erraztasunagatik”.
* * *
Euskadiko autonomia-erkidego honetan egin berri duten inkestaren arabera, gazteek ez dute politika oso modu aktiboan bizi. Ez dira, bada, oso liskartsuak izango, ez eta grinatsuak ere. Politika-harremanetan.
Oro har, gazteen aburuz, txarrak dira parajeotan dauzkagun politikariak. Horien arteko ezagunenei nota ebaluatzailea jartzerakoan, suspentsoaren aldeko hautua egiten dute gehienek… Nafarroan eta Iparraldean antzerako datuekin ibiliko zarete.
Horixe besterik ez dira inkestak: inkesta. Inkestatzailearen asmoa eta pretentsioa da, dauzkan lauzpabost datuak gizarte osoari hedatzea eta aplikatzea. Laginetik jauzi egin, eta unibertsoari ezarri datu horiek.
Malabarismo aparta da hori, irrumatio eta mormoratio direlakoen kasta berekoa, nik uste.
Unibertsitatean diotenez, oso aurrera egin dute teknika galdekatzaileek, fidagarritasunean eta abar. Asko hobetu omen da datuen manipulazioaren eta interpretazioen esparruan. Baina, Benedetto Croce-ri irakurri izan diodanez, galdera orok iradoki ohi du erantzunaren tamaina eta bidea.
Inkestatzailearen zerrendan agertzen ez dena, nola kalifika dezake inork? Delako inkestatzaile horren agendan ez dagoenaz, nola eman dezake inork iritzia? Eta, bere iritzi propioa, nola lor dezake inork publiko egitea?
* * *
Durangoko azoka pasatu berri da, eta San Tomas hartu dugu bistan. Olentzeroren zain, urte berrirako desioak formulatzeko tenorean gaude… Politika-modu hobeagoak eta eraginkorragoak eskatuko nizkioke ikazkinari. Bide batez, sexu gozoagoa.
Haize hezeen bolada hauek direla-eta, Bocca-ccio-rekin akordatu naiz, haren Dekamerone tipiarekin. Bilduma horretan, badu ipuin fantastiko bat, “Buztanik gabeko behorra”. Non azaltzen baita nola fraide batek bihur zezakeen behor bat emakume, bai eta kontrara ere, alegia emakumea behor.
Senar-emazte jakin batzuen etxean ostatua hartuta jarriko ditu abian bere abileziak fraideak, eta saiatuko da behor bilakatzen Betiriren emaztea, Gemada. Pobre baitira etxe horretan, eta, zamaritzat, asto ez aski handi bat baizik ez dute merkatura jaisteko.
Marabila hori obratzean, lan zailen buruan, mirakulua bere osotasunean amaitutzat emateko, behorrari buztana eransteko unea heldu denean, Barletako fraideak atorra erantzi eta haurrak landatzeko lanabesa aterata, bizkorki sartu du hura, horretarako apropos aurkitu duen ildoan, kokoriko eserita baitzuen bere aurrean Gemada, behorgaia.
Segituan etorri dira Betiriren protestak. Emaztearen gainetik apartatu zuen fraidea… Enkantamendua apurtu zen, noski; eta, buztanik gabe geratu zen Gemada. Hartara, ez behor, ez zamari.
Fraide Joanek adierazi zien ezen beste inoiz nahi izatera lan horretan hastea, berriz saiatu zitekeela behor bilakatzen Gemada. Esan besterik ez zutela. Baina, Betirik ezin zuela protestarik egin, buztana eransteko ahaleginak ahalegin.
Jarritako kondenak barkatzearen truke, armadara batu da preso andana. Azken urtean, errekrutatze-legeak gogortu ditu gobernuak.
Arma nuklearren produkzioarekin, mantentze lanekin eta modernizazioarekin loturak dituzten hainbat enpresa aztertu dituzte, eta horien artean agertzen dira BBVA, Santander bankua eta SEPI.
Iazko urriko bileran lortu ez zuten akordioa erdiestea espero dute COP16ko parte-hartzaileek, eta ostegun honetan dute gailurraren azken eguna. 2030. urtea bitartean, bioaniztasunaren alde 200.000 milioi dolar bideratzeko engaiamendua hartu zuten 2022ko COP15 gailurrean, eta... [+]
570.000 familiek euren haurren ikasgeletako hizkuntza nagusia zein izango den bozkatzeko aukera dute martxoaren 4ra arte: gaztelera edo katalana. Garikoitz Knörr filologoaren eta euskara irakaslearen arabera, kontsultak "ezbaian" jartzen du katalanaren... [+]
Martxoaren 29an ospatuko dute irratiaren 40. urteurrena, musika, literatura eta tailerrak bilduko dituen Txapa Egunarekin.
"Ipar Euskal Herria gaztez odolusten ari da". Sail berriak sortu goi-mailako ikasketetan, etxebizitza sozialak egin gazteentzat edo aisialdia euskaraz bermatu… Hamabost proposamen konkretu egin ditu Xuti Gazte ezker abertzaleko gazte antolakundeak.
Uribe Kosta BHI institutuko hainbat ikaslek salatu duenez, mezu "iraingarriak, matxistak eta homofoboak" jaso dituzte Batxilergoko beste ikaskide batzuengandik. Horrez gain, gaineratu dute mezuak irakasle bati ere bidali dizkiotela eta beste ikasle batzuen... [+]
Urruña, 1750eko martxoaren 1a. Herriko hainbat emakumek kaleak hartu zituzten Frantziako Gobernuak ezarritako tabakoaren gaineko zergaren aurka protesta egiteko. Gobernuak matxinada itzaltzeko armada bidaltzea erabaki zuen, zehazki, Arloneko destakamentu bat. Militarrek... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Biologian doktorea, CESIC Zientzia Ikerketen Kontseilu Nagusiko ikerlaria eta Madrilgo Rey Juan Carlos unibertsitateko irakaslea, Fernando Valladares (Mar del Plata, 1965) klima aldaketa eta ingurumen gaietan Espainiako Estatuko ahots kritiko ezagunenetako bat da. Urteak... [+]
Ezpatak, labanak, kaskoak, fusilak, pistolak, kanoiak, munizioak, lehergailuak, uniformeak, armadurak, ezkutuak, babesak, zaldunak, hegazkinak eta tankeak. Han eta hemen, bada jende klase bat historia militarrarekin liluratuta dagoena. Gehien-gehienak, historia-zaleak izaten... [+]
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Euskal hezkuntza sistemaren itunpeko eskolen gainkontzertazioa eta zentro pribatuen umeak hartzeko gaitasuna beherakada demografikoari eta biztanleriaren klase osaketari egokitu behar dira.
Bilboko Udalak zerbitzu publikoak pribatizatzen jarraitzen duela salatu du Bilboko Liburuzainen kolektiboak, besteak beste, kulturari loturiko zerbitzuak. Horren harira, mahai-ingurua antolatu dute martxoaren 3an Bidebarrieta liburutegian, Kulturaren pribatizazioa izenburupean.
Martxoaren 1ean ospatuko du NNPEK-k urteurrena argazki erakusketa eta txalaparta ikuskizun batekin.