Auto striptease
- Badira berba batzuk polisemiko direnak, erabat. Ttakunkideok hitzetik hortzera darabilgun “auto” delako hori da bat. Autoa da kotxea: automobila, beribila. Autoa da teatroa, erlijio-antzerkia. Autoa da auzibide-agiria, epailearen ebazpena.
Denak autodun, eta denak ekologista. Zintzo arraio denak, den-denak: ministro izan, ekintzaile izan, soldadu izan, apaiz izan. Baita Al Gore bera ere.
Dokumental saritu eta famatu hori ikusi diot nik ere amerikarrari. Eta, Ur, gustatu, niri ere ez zait batere gustatu. Zalditeriaren zazpigarrena bezala, ekologismoaren banderaren kirtenarekin jarri baita gure atzean.
Halere, lagunak, nire asmoa ez zen ekologismoaren zentzu puruaz aritzea. Ezta kotxe konpartituen zentzu hertsiaz. Ez. Ez zen hori nire asmoa. Gai interesgarria den arren. Oso. Ezinbestekoa. Hil ala bizikoa. Halere, ez zen hori.
Argia izan ez baldin banaiz izkribuetan, barkatu. Edo, ziria sartu badizuet nahigabe.
Ihes egin diozue gaiari, lagunok. Etsitzeko asmorik ez dut… Auto konpartituarena, metafora zen. Hitz jokoa. Gauzak argi esateko, argi ez esatea. Politikaz ari nintzen. Antonomasiaz, politikaz.
Ur, Iparraldea deitzen diogun horretan bizi zara zu, Akitanian galduta. Nafarroako Erreinua deritzoten horretakoa zaitugu zu, Angel. Mendebaldeko Euskadi Autonomi Erkidegoa bataio-izen luze xamarra eman dioten horretan ordaintzen ditut nik neure zergak. Hiru esparru eta hiru espektro.
Auto konpartituari buruz ari nintzenean, ari nintzen gure lurraldeetako administrazio-estatusak hobetzeko akordio politiko esanguratsu eta posible direlakoei buruz.
Orain arte esandakoak entzunda, eta idatzitakoak irakurrita, etxe honetakoak nahiz bestekoak, uste dut gure politikari nagusiak ez daudela prest politika modu ekologikoan praktikatzeko eta kudeatzeko. Susmoa dut, susmo, autoa konpartitzeko asmorik ez dutela martxoan. Erratuta egon nahi nuke.
Triste nago, zeren toberak jo gabe joan baitira aurtengo San Martinak… Txerri gorriak hil dituzte baserrian. Bolandera eta suziri hitsak jaurti Getxoko Justizia Jauregian. Arau guztiak hautsita ibili da Borboia Ameriketan. Baina, berakatzak erein gabe geratu dira.
Telesforo Monzon zenaren Maltzagarainoko ekinbide politiko konpartituaz ari nintzen auto konpartituaz ari nintzenean. Bidenabar, politika abertzalearen eite ekologikoaz ari nintzen. Politika abertzalearen ustiatze iraunkor eta ekologikoaz, hain zuzen ere.
Martxoko hauteskundeei begira, “ni” eta “neu” dira egungo politika-ereduek sustatzen dituzten argudio kamuts eta herrenak. “Ni” eta “neurea”. “Ni” eta “neurekin”. “Ni” eta “neuri”.
Lehen hitzak ikasi berri dauzkan etxeko iloba gaztetxoa ekartzen dit politika horrek gogora. Auzo-lotsak gorriturik nago, politika deitzean horri.
Orain arte alderdi bati eta besteri entzun izan diedana entzunda, eta gauzak doazen moduan, laguntxoak, martxokoetan zaila izango zait inori ematea nire botoa. Espainiako futbol-ligarako bada ere, Maltzagarainoko gastuak partitzen ez baditugu, nago ez naizela inoren autoan sartuko. Barregarriak iruditzen zaizkit ikurrinak Gasteizko Legebiltzarrean, San Mameseko palkoetan, Iruñeko arrano tabernetan…
Nora ez dakidan arren, tentazioa dut hara bizikletaz joateko, han toberak jotzeko bakardadean… edo kanpaia.
Angel, autobus-geltoki berria egin dizuete Iruñean, telebistak hala esan du. Hurbilago geratu al da orain Maltzaga hortik?
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]
1999an sortu zuten Udalbiltzaren sortzaileetako bat izan zen, eta erakundeko lehen presidente izendatu zuten urte berean. Ondarroako alkate izan zen hiru agintalditan, eta hango udalak eman du albistearen berri.
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Hogeigarren edizioa ekainaren 14an egingo da eta futbol partida, bazkari eta kontzertuz josia egongo da. 20 urtez presoekin elkartasunez lelopean ospatuko dute eguna, eta ekintza "bereziak" iragarri dituzte.
Asian Hong Kong izan da galerarik handienak jasan dituena: %13,2 galdu du, 1997tik pairatu duen kolperik handiena. Europan, berriz, %6 eta %10 arteko galerekin abiatu dute astelehena burtsa nagusiek. Trumpek hartutako neurriak salatzeko mobilizazioak egin dituzte Europako eta... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren bikote Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Ardatzean haur filosofia izango duen Galdera Basatiak podcastak, ez alferrik, haur filosofia tailerretan barneratzeko asmoa du. Horixe hitzeman digu Iñigo Martinezek lehen atal honetan. Podcastaren zimenduak ezarri dizkigu, markoa marraztu, eta, batik bat, haurtzaroaz... [+]
Guardian Llodio fabrikako behargin gehienek epaitegira jotzeko bidea bertan behera utzi ondoren, multinazionalak lortu du nahi zuena: enpresa errentagarri bat ixtea erabateko inpunitatearekin. Ez da egun batetik bestera sortutako estrategia, eta bide luzea izan arren, erabat... [+]