PSNren elebitasuna
- Azkenean. Bazen garaia, baina azkenean PSNk elebitasunaren aldeko apustu sendoa egin du. Zortzi urte eman dituzte nafar sozialistek hizkuntzen kontua nahasten eta elebakartasunaren aldeko mezua hauspotzen. Nonbait, euskarak 90eko hamarkadan hartua zuen indar apurrari soberaxko iritzita, mende berrian sartzearekin batera UGT inguruan zebiltzan bost xentimoko “pentsalari” batzuek bilerak egin, diskurtsoa eratu eta Kordobillako egunkarian artikuluak barra-barra idatzi zituzten, zertarako eta hizkuntza bakarra jakiteak dituen alde on nabariak goraipatzeko...
Unibertsitateko katedradun, irakasle, soziologo, sindikalista koadrila handixko bat nabarmendu zen zeregin horretan; UPNkoak ere jendaurrean erratera ausartzen ez ziren astakeriak idatziz moldatu zituzten. Bazterrak ederki nahasita eta gizartearen puska bat euskararen kontra altxarazi ondoren, UPNk hartutako erabakiak iritsi ziren, euskarari arnasa kentzeko, euskara plazatik ezabatzeko eta oraindik ez gara ataka gaizto horretatik atera.
Orain, ordea, bestelakoa da; zorionez, alderdi sozialistako agintariek mezua zuzendu dute eta hasiak dira elebitasunaren dohainak goresten. Egunero gogorarazten diote hori UPNri, eta behar adina neurri hartzeko eskatu diete eskuindarrei, elebitasuna Nafarroako zoko-moko guztietara hedatzeko, ikastetxe guztietara zabaltzeko, legeak dakartzan muga guztien gainetik. Sozialistak, gainera, irmo agertu dira kontu horretan: elebitasuna indar handiz zabaldu ezean, ez du UPNk PSNren laguntza izanen aurrekontuak onesterakoan.
Beraz, mahai gainean dago elebitasuna eta, gauzak okertzen ez badira, Nafarroako haur guztiek izanen dute bi hizkuntzak eta bi hizkuntzetan ikasteko aukera; erran nahi baita, gaztelaniaz eta ingelesez, British erraten dioten ereduaren bitartez, jakina. Gaztelania eta ingelesa; elebitasun hori bultzatu nahi du PSNk Beratik Corteseraino, Izabatik Vianaraino. Eta horixe izanen da Hezkuntzako kontseilariaren –CDNko Perez Nievas jaunaren– eginkizun nagusia legealdi honetan, harro esaten ari den bezala. Hori guztia, aniztasunaren, errespetuaren eta bizikidetzaren izenean, nola ez.
Azken buruan, hamaikagarrenez saiatuko dira euskarazko D ereduari aurre egiten; makina bat amarrukeria erabili dituzte urte sail luzean, baina ahalegin oro antzu gertatu zaizkie: euskara terroristen hizkuntza; euskara atzerapenaren hizkuntza; euskara jende basa eta ez-jakinaren hizkuntza; haurrak gaztelania hutsezko ereduetan matrikulatzearen aldeko kanpainak… Alferrik. Orain, indarrak bildu eta British eredua dakarte, ingelesaren dirdirak gurasoak liluratuko dituelakoan. Hasi dira horren aldeko artikuluak, diskurtsoak, hitzaldiak. Komeni da erne egotea eta ez legoke batere gaizki D ereduaren aldeko mezua egoera berrira egokitzea, mezua berritzea. Kontua ez da British ereduaren itxurakeria hutsa salatzea (ez baitago behar adina irakaslerik, materialik…), euskal irakaskuntzak jorratu duen bidea gogoratzea baizik. Horrenbestez, orotarazi beharko litzateke ingelesa aspaldixko sartua dagoela euskarazko ereduetan eta, azken finean, D eredua dela hiru hizkuntzak jakitea bermatzen duen eredu bakarra.
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.