2010, disko kromatikoa
- Ttakun-ttakun, mimetismoaz ari gara aspaldion. Hots: inguruan dutenen kolorea eta itxura hartzeko, batzuek daukaten ahalmenaz, gogoaz edo beharraz. Mimetismo natural eta sozialen estatutua marraztean, txakurren eta jabeen arteko antzekotasunaz mintzo zinen, Ur.
Badut ezagun bat, tigre-larruazaleko boxer txakur ederra gobernatzen duena. Ugazabak zer jan, animaliak hartatik franko. Xerra bada, mami guria; apatz beltzeko pernila bada, ondutako gutizia horri gizena erauzitako mokadu ederra, zeren triglizeridoak oso altu baitauzkate. Biek.
Begira, unibertsitarioentzako egoitza ezagun baten aurrean, belauna konpontzen ahalegindu zaizkit egunotan Bilboko klinika batean. Menisko-kontu batzuk, ez oso larriak –besteentzat, jakina–.
Mimetismo batzuen absurdua, modu paradigmatikoan, unibertsitarioentzako egoitza horrek berak erakutsi dit. Izan ere, horren atari nagusian, zilar distiratsuzko letratan idatzita, honako testu hau duen plaka eskegi dute: Colegio mayor B… Ikastetxe nagusia. Ez naiz filologoa, baina nago colegio batzuk ez direla ikastetxe.
* * *
2010, iragarria egon arren, bat-batean etorri da Juan Jose Ibarretxeren aldarrikapena, Gasteizko Legebiltzarrean. Baina, gu, mimetismoaz ari ginen. Halaxe ari gara.
Absurduak izateaz gain, mimetismoetan, debekatuak ere badira baten batzuk. Jazarriak dira horiek. Onez nahiz txarrez, pertsegituak. Bukatzen ez, baizik, hasi egiten dira arazoak, holako mimetismo debekatuekin.
Suitza dut gogoan. Kanpaina higuingarria abiatu du SVP-UDC Alderdi Popularra delakoak. Atzerritarren aurka, etorkinen aurka, azal iluneko lagunen aurka, erlijio kristaua besarkatu ez dutenen aurka… Artaldeko ardi beltz izendatu dituzte horiek guztiak. Eta, kanpainako afixa nagusian, ardi zuriek botatzen dituzte beltzak ostikoka, Suitzako belardi zerutiar guztiz mantxarik gabekoetatik at.
Ez da zeinuen zientzietan oso jaioa behar, zantzu arrazista, baztertzaile eta jazarlea aurkitzeko Ueli Maurer jaunaren jarraitzaile diren helvetiar zerri-larru gorri populista horien papo gurietan.
Frantzian sakonago jo dute, beraiena baino herrialde ekonomikoki aberatsagoa den batera lan egiteko joan den etorkinaren jazarpenean. Azalaren kolorearekin nahikoa ez, eta DNA probak egingo dizkiete atzerritar batzuei. Susmagarriei.
Begi-bistan nahi ditu Europak ardiak, denak. Larrekoak nahiz sasikoak, zuriak ala beltzak. Disidenteak, bereziak, mairuak, komunistak, elbarriak… margo beraren menpean, kontrolpean nahi ditu Europak denak, eta inolaz ez mimetismoaz baliaturik han eta hemen hala-hola babesturik. Mimetismo batzuk, hartara, sakonki debekatuak dira.
* * *
Noski, derrigortuak izaten ere badakite mimetismoetako batzuek. Arazoaz gain, problema… Apartekotasunen deuseztatzaile mutiriak izaten dira mimetismo horiek. Inposatuak dira. Bortxaz ezarriak. Beregaintasunen xurgatzaile, goitik beherako legedi monokromatikoen emaitza dira mimetismo derrigortuak.
Mimetismo absurduez, debekatuez eta inposatuez ari gara. Lehendakaria erreferendumaz. Saiak, ordenaz eta arauez. Historiaz eta eskubideez, orbangabeak.
Bat-batean, 2010 data jarri digu begien aurrean Euskadiko Lehendakariak. Oilategia harrotu zaio, azeria etxean bezala. Asmatuko ote dute Madrilek, Parisek, Gasteizek, Iruñeak-eta paleta kromatikoa osatzen?
Telegrama bidali dit martiztar herrenak. “K.K.K.” idatzi du.
Angel, zer esan nahi ote zidan? Konstituzioa. Konstituzioa. Konstituzioa? Ku Klux Klan?
.jpg)
Hauek izan ziren nire azken hitzak zure lo arnas sakonean eskutik helduta ginela joan zinenean. Aparteko minik gabe, xume, duin, geratu zen betiko zure bihotza. Zuk nahi eta eskatu bezala. Guk nahi eta errespetatu bezala.
Jada hilabete, neguaren atarian, gaurik luzeenak diren... [+]
AMAK
Konpainia: Txalo teatroa.
Sortzailea: Elena Diaz.
Zuzendaritza: Begoña Bilbao.
Aktoreak: Intza Alkain, Tania Fornieles, Oihana Maritorena eta Iraitz Lizarraga.
Noiz: urtarrilaren 10ean.
Non: Itsas Etxea auditoriumean... [+]
Ostegun arratsaldean egin dute bozketa eta, aurreikusitako moduan, François Bayrou lehen ministroaren aurkako zentsura mozioak ez du aurrera egin. Izan ere, eskuin muturreko Batasun Nazionalaren sostengurik gabe, ez zuen aurrera egiteko aukerarik.
Asteazkenean egin zuten ekitaldia Astigarragako Alorrenean, Sagardoaren Lurraldeak hala erabakita. Ostegunean egin du txotx hasierako festa propioa Usurbilgo Saizarrek.
Talde memorialistek deitutako manifestazioa Erorien monumentuan hasiko da 18:00etan eta Gazteluko plazan bukatuko da. Amaierako ekitaldian El Drogas, Gran Ritxarson, Ilargigorri eta La Chula Potrak esku hartuko dute, besteak beste. Gaia orokorrean nola dagoen azaldu dugu... [+]
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
2024ko bigarren seihilekoaren lanaren emaitzak jaso ditu Euskaltzaindiak. Forma berriak eta aurretik zeudenen osatzeak aurkeztu ditu. Forma berrietan, oraingoan, batez ere, sukaldaritzako hiztegia landu dute. EITB eta Berria-ko edukiak hartu dituzte iturritzat.
Jesus Carreraren erailketaren 80 urteurrenean udal adierazpena plazaratu dute Hondarribiko udalbatza osatzen duten alderdi politiko guztiek.
Lursailaren jabeak hitzarmena sinatu du Lurgaia Fundazioarekin eta Sagarrak talde ekologistak deialdia zabaldu du landaketara batzeko. Zaraobe Institutuko ikasleak asteartean aritu ziren zuhaitzak landatzen.
Irunen autoinkulpazio sinadurak biltzeko deia luzatu dute San Juan plazan urtarrilaren 18an, larunbatarekin, 10:00etatik 13:00era. Urtarrilaren 26an «modu masiboan» Irunen hasiko den manifestazioan parte hartzera deitu dute eragileek, «migrazio politika... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.