Muxuak
Nanda Roep eta Marijke ten Cate dira Muxuak liburu samurraren egileak. Etxeko txikienentzat aproposa da marrazki koloretsu handiak eta idatzi gutxi dituen liburu hau. Ireki ahala Lisa txikia aurkituko dugu, tapakien azpian bere panpinarekin gozo ohean. Aita aldamenean du, eta muxu bat emateko eskatuko dio Lisak. Baietz aitak, baina nolako muxua nahi duen jakin gura du. Eta muxu ezberdinak aipatzen hasten zaio. Sorgin muxu bat nahi? Tximeleta muxu bat? Amatxo muxu bat? Ea zer erantzuten dion Lisak!