Bizkaiko arraunaren urrezko urteak (1976/1985)
Euskal arraunketaren aro modernoa du izenburu Manu Etxeberria Sedano oriotarra prestatzen ari den bildumak. Argazkiz beteriko liburuak euskaraz eta gaztelaniaz idatzi ditu. 2005ean Oriotarren iraultza (1965-1975) argitaratu zuen eta Bizkaiko arraunaren urrezko urteak (1976-1985) plazaratu du orain. Sestaoko Kaikuk Jose Luis Kortaren gidaritzapean lau urtetan, eta Santurtziko Soterak Koldo Urtiagaren eskutik hirutan Kontxako bandera irabazi zuten epealdia jasotzen duen liburua. Urte haietako hemerotekan sakonduz, estropada garrantzitsuenen emaitzak eta bereziki aukeratutako 100 argazki aurkeztu ditu Manu Etxeberriak.