Kamile eskolan da berriro
Kamile pozik dago oporren aurretik jostatzera joan ohi zen eskolara itzuli behar duelako. Lagun asko egin zituen han eta badaki eskolara bizkar zorro berria eta hamaiketakorako txokolatezko bizkotxoak gainean dituela iristen denean, hantxe aurkituko dituela. Kamilek lehengusu txiki bat du ordea, Mattin, bera baino urtebete gazteagoa, eta jakin badaki Mattinek beldur pixka bat diola eskolara joan behar horri. Izan ere, mutikoa ez da inoiz eskolara joan eta ez du hango ezer ezagutzen, Kamile bera salbu. Zer gertatuko ote zaio leku arrotz horretan? Iritsi da azkenean eskolara joateko eguna. Kamilek laster esan dio agur amari, lagunengana joateko. Mattinek berriz, ez du bere gurasoen ondotik alde egin nahi. Kamilek eskutik heldu eta andereñoarengana eraman du.