"Gu ere manipulatuak izan gaitezke"
- Oso argi omen zeukan medikuntza ikasi nahi zuela, medikuntzako ikasle batekin gurutzatu, eta suposatzen zuen lan zamaz jabetu zen arte. Kasualitatez aukeratu zuen kazetaritza, eta Le Journaleko zuzendaria da egun.
Ikastolako hirugarren promoziokoa eta oraindik bizirik?!
Urtebetean bost aldiz aldatu behar izan genuen ikastolaz, Herri Urratseko hastapenak ziren eta eskola orduak pasatzen genituen zigiluak gutunazaletan kolatzen. Bizitzaren eskola bat zen, begiak irekitzen asko lagundu ziguna.
Athleticeko atezain batek hobe du, bai, bi begiak zabalik ibili…
Futbola asko maite nuen baina goi-mailako futbola oso militarra iruditu zitzaidan.
Entrenatuta zaude, beraz, Sud-Ouesten aurkako gerrarako.
Politikan, kulturan, eta iritzian bataila irabazi diegu. Tokiko berrietan eta eskeletan irabazten digute eta horrek inportantzia handia du egunkarietan.
Jakina, hildakoek mantentzen dute egunkari bat bizirik…
Sud Ouestek bere irakurleen izenak publikatzen ditu eskeletan. Gure irakurlegoa askoz gazteagoa da, eta beste irakurle mota bat eta kazetaritza landuago bat sortzeko esperantza dugu.
Ba zuzendariak kazetaritzatik geroz eta urrunago omen daude.
Zuzendari gehienak tertuliano profesionalak bilakatzen dira eta distantzia hartzen dute lurreko aktualitatearekiko. Egitura handien arazoa izango da segur aski.
Zuena egitura txikia da eta Firin-Faranen ikusi zaituzte!
Ni beti saiatu izan naiz kazetari moduan neutro edo objektibo gelditzen, eta nahiko zaila egiten zait nire burua iritzi bat ematera bortxatzea. Baina alde bakarreko iritziak dauden mahaira, beste aldeko iritziak ematera joaten naiz.
AHTaren aldeko publizitatea negoziatzera joaten zinela uste nuen!
Publizitatea publizitatea da eta egunen batean, beharbada, Macdonaldsena sartu beharko dugu. Momentuko tripako min hori Journala diru horrekin aurrera aterako dugula pentsatuz pasa behar dugu.
Niri, Journalen euskarak duen presentzia urriak ematen dit tripako mina.
Normala iruditzen zait, baina euskara defendatu daiteke euskaraz aritu gabe ere, nahiz eta gure hurrengo pausoa euskarari bere tokia ematea izango den.
Prentsak hainbesteko eragina baldin badu...
Mobilizazioak eragiten du prentsa eta prentsak mobilizazioa. Sekulako eragina du bai gizartean, bai pertsona soilengan, baita erabaki guneetan ere.
Gizon boteretsua zara, beraz. Laster monsieur esan beharko dizut.
Gaur egun, medioek pertsonek baino pisu handiagoa dute. Ez bazara hedabideetan agertzen ez zara existitzen. Jendeak ikasi behar du hori erabiltzen. Gu ere manipulatuak izan gaitezke.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Nafarroa Behereako Arberoa ikastola erre zen pasa den urrian. Administraziotik laguntzarik jaso ez duten arren, herritarrek berehala erantzun dute. Astelehenean, hain zuzen, elkartasuna eta berotasuna jaso dute Gipuzkoako Ibarran. Elkartasunak eraikitako sarea da gakoa.
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Hemen da "uda bete abentura bizitzeko aukera." Zabalik dago aurtengo Euskal Udalekuetan izena emateko epea. 6 urtetatik 17 urtera arteko haur eta gazteentzako hamaika txanda antolatu dituzte Bernedo, Abaigar eta Goñi herrietan.
Japoniako multinazionalak egin nahi duen erregulazio txostenak plantako langileen herenari baino gehiagori eragingo die. Enpresa batzordeko kide Luis Escalonak adierazi du "langileen aurkako eraso bat" dela, eta lanuzteak egingo dituztela iragarri du.
Duela hamar urteko martxoaren 31an Espainiako Estatuko Aldizkari Ofizialean argitaratu zuten denok Mozal Legea gisa ezagutzen dugun araudia. Espainiako Estatuan ez ezik, nazioartean parekorik gabeko aurkakotasuna eragin zuen lege makurra. Hamarkada pasa da eta jaio zenean bezain... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
'Espetxeak libre' manifestuan adierazi dute Eusko Jaurlaritzak "ataka txarrean" jarri dituela kulturgileak, espetxeetara kultur emanaldiak egitera sartu nahi dutenei dokumentu bat sinatzea eskatzen baitie, eta salatu dute ezin dutela sartu ez sinatuz gero. Kultur... [+]
Kriztian Borda hautetsi ohia eta Lurzaindia elkarteko kideak sare sozialetan zabaldu duen bideo baten harira piztu da ika-mika. Arbonan laborantza lurrak "arriskuan" daudela salatu du Bordak, eta jakinarazi du Arbonako Herriko Etxeak bere kirol zelaia Baionako promotore... [+]