Euskal Idazleen Elkarteak plazaratzen duen Hegats aldizkariaren 39. zenbakian, literaturak eta zineak elkarrekin duten zerikusia hartu dute aztergai. Batetik, gaiaren gaineko elkarrizketa sakona egin dio Mikel Asurmendik Anjel Lertxundiri. Bestetik, Aitor Aranak Zinema-Aretoa idazlana eskaini du. Goizalde Landabasok Praktika-ariketa. Katixa Agirrek, Ongi etorri Hollywoodera, Lolita. Harkaitz Canok, Zinea eta Literatura. Laura Mintegik, Mendearen hausturaren lekuko. Aritz Gorrotxategik, Euskal zinearen historia, ibilbide bat. Iñaki Lazkanok, JiriMenzel, Hrabalen espiritua aldarri eta Olatu Berri Txekiarra, bitxilore ihartuak Pragan. Iratxe Retolazak Fito Rodriguezen Kasandra leihoan lana hartu du hizpide. Eta azkenik David Tijerok Koldo Mitxelena eta Inazio Mujikaren Denbora bateko zinema paperak (1954-1961) aztertu du.