EHUko IXA taldeak gonbidatu du John Carrol, Sussex Unibertsitateko irakaslea. Uztailaren 9tik 11ra egongo da. Hizkuntzaren analisi automatikoan da aditua britainiarra eta ezagutza linguistikoa eta analisi estatistikoa aldi berean aztertzen dituzten tresnak sortu ditu arrakastaz.

Bestalde, IXA taldeak berak “Hizkuntzaren Azterketa eta Prozesamendua” izeneko doktorego programa antolatu du datorren ikasturterako; filologo eta hizkuntzalarientzat, Informatikako eta Telekomunikazioetako ingeniarientzat, eta interesa duen ororentzat.