“Txirrindularia izatea ez da osasungarria”
- Aitak arraunlari izaten uzten ez ziolako hasi zen bizikletan. Geroztik neska lagunarekin baino gehiagotan egin omen du lo Iñigo Chaurreau lehengusuarekin. Errepidea laranjaz ikusten du orain. Pentsa, semaforoetan ere ez ei da gelditzen!
Zu zara famoso?
Nire palmaresak erakusten duena baino ezagunagoa naiz. Txirrindulari bat ez da bere palmaresa bakarrik, eskaintzen duen irudia baizik.
Horregatik ez zarete politikoki bustitzen?
Orain arte Frantzian egon naiz baina banekien noizbait EAJrekin lotzen den Euskaltelen edo PPkotzat jotzen den Illes Ballearsen egon nintekeela. Horregatik onena isilik egotea da.
Ez esan Espainiako txapelketa irabaziz gero...
Herrialde bateko txapelketa irabaziz gero haren maillota eraman behar!
Hori dopinaren itzala baino gogorragoa da!
Ni saiatzen naiz itzal horretatik at bizitzen baina zaila da. Batez ere, goizeko 6:00etan banpiroek esnatzen zaituztenean. Amorru handia ematen du.
Baina hain zarete insolidarioak...
Zeharo. Nahiz eta itxuraz denak lagun onak izan bakoitzak bereari begiratzen dio.
Euskal medioek Euskalteli baino ez diote begiratzen.
Egia da badaudela txirrindulari batzuk baztertuak daudenak, baina ez dakit atzerrian ibiltzeagatik den. Agian hortaz arduratzen ez direlako da.
Edo Berrian zutaberik ez daukatelako...
Badirudi txirrindulari izateagatik ezin duzula idazten jakin. Nik onartzen dut ikasle oso txarra nintzela baina horrek ez dauka zerikusirik idazteko gogoarekin.
Goizero baskularekin esnatzen zaituztetela jakingo balute!
Taldean obsesio handia dago pisuarekin. Goizero medikua logelara sartzen zaigu, baskulan jarri, eta pisatzen dugunaren arabera aurpegi ona edo txarra jartzen du.
Gose aurpegia ikusten dizut.
Gosea pasatzea, nahi dudan guztia ez jatea, horixe da gehien kostatzen zaidana. Bizikleta gainean gustura sufritzen dut baina mahaian...
Eskerrak kirola egitea sanoa den!
Txirrindulari izatea ez da osasungarria. Ni konbentzituta nago egunero 200 kilometro egitea gorputzarentzat txarra dela.
Aizu, atseden hartzeko ere ordaintzen dizute.
Eguneroko entrenamendua, otorduak, loa, masajea... Hogeita lau orduz gara txirrindulari.
Horregatik egiten duzue sarri-sarri izara garbietan lo.
Ez dakit hori ona edo txarra den. Etxera iristen zarenean baloratzen duzu zein ederra den etxean egotea.
Lanbide ederra aukeratu duzu ba!
Pentsa, Euskalteleko sekulako fakturak ordainduz mantentzen ditut harremanak!
Azken modako segapotoa, MP3-a, Play Station-a... Pijo samarrak ez ote zareten...
Gure egunerokotasuna da. Bizikletan ibiltzeak lelotu egiten gaitu. Burbuila batean bizi gara.
Ongi etorri errealitatera!
Argi ibili beharra dago. Ez gara munduko zentroa eta bizitzak bere martxan jarraitzen du.
AEBetako Ozeanoko eta Atmosferako Administrazio Nazionalaren (NOAA) ikerketaren emaitza zabaldu du Nature Climate Change aldizkariak: bereganatzen zuen karbono dioxido eta metano kopurua baino gehiago isurtzen du orain tundrak.
Euskal Herriko eta Kataluniako indar eskuindarrek bat egin dute PPrekin eta Voxekin, zerga ez luzatzeko.
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
“Independentziara egin beharreko bideaz” hausnartzea da helburu nagusia. Apirilaren 20an, Aberri Egunarekin batera, Berriozarren ospatuko duten Gazteon Eskutik jardunaldia izango dute azken geltoki.
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
-(1).jpg)
Brasilen suteek 30,86 milioi hektarea baso eta eremu natural suntsitu zituzten iaz, Italia osoaren azalera baino gehiago. Suteek %79ko igoera izan zuten 2023arekin alderatuta, Fire Monitorren ikerketa batek agerian utzi duenez.
Astearte gauean egin dituzte pintaketak, bizilagunek azaldu dutenez. Fatxada nagusia, bertako ateak eta alboetako paretak margotu dituzte. Gazte Koordinadora Sozialistak urtarrilaren 25rako deitutako mobilizazioarekin bat egiten du aldarriak.
Groenlandia, X. mendearen amaiera. Lehen esploratzaile eta kolono eskandinaviarrak uhartera iritsi ziren. Baina XV. menderako kokaleku horiek abandonatuta zituzten eta jatorrizko inuitak geratu ziren. Baina 1721an, Hans Egede misiolariak espedizio bat antolatu zuen eta kolonoak... [+]
Salbatore Mitxelena ikastolak 140.000 euro ordaindu beharko ditu, Eusko Jaurlaritzak Haur Hezkuntzarako ezarri dion matrikulazio muga gainditzeagatik, baina zortzi ikasleak mantenduko ditu, negoziazioen ondorio. Hezkuntza Sailaren erabakiak eta jarrerak salatu ditu ikastolak.
Lapurdiko hezegunea funtsezkoa da biodibertsitatearen biziraupenerako. Proposamena eremuan zabaldu dute eta Errobi inguruko sistema hidrauliko osoa barnean izango luke; Baionako, Angeluko, Basusarriko, Milafrangako eta Uztaritzeko Aturri ibaiaren ibaiadarrak, esaterako. Bost... [+]
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Nafarroa Arenan Mitoaroa ikusten izandako lagun batek “telurikotzat” jo zuen entzun-ikusi-sentitutakoa. Niri ere hala iruditu zitzaidan telebista medio etxetik hauteman nuena.
Pentsa daiteke Mitoaroak piztutako grinak eta atxikimenduak proiektuaren ikusgarritasuna... [+]