Koko-moko-koko... Zer ordu da, Kroko? Eguneko orduak dira etxeko txikienen gozagarri izan nahi duen liburuxka honen gai nagusia. Baina, adi, ez da edonolakoa-eta Krokok goizetan egin ohi duena! Zortziretan, nagiak atera; bederatzietan, begiak zabaldu; hamarretan, hortzak garbitu; hamaiketan, krokodilo tripontzientzat idatzitako sukaldaritza liburua irakurri; eta hamabietan... bazkaldu! Liburuarekin, bilduman agertu ohi diren ezustekoak eta eskuartean hartu, ohera eraman eta musukatu daitekeen panpina.