Remigio Mendibururen jaiotzatik 75 urte bete zirenean kaleratu zuen Bermingham argitaletxeak, Hondarribiko Udalaren enkarguz, eskultorearen lana eta bizitzaren aurrean Carlos Aurtenetxek osatutako poema bilduma, euskaraz eta gaztelaniaz. Gaztelaniazkoak A canto ciego du izenburu; Pello Zabalak itzulitako euskarazko bertsioak berriz, Molorrika itsu. Biek ala biek Remigio Mendiburuk 1987an eginiko collage orijinalak jasotzen dituzte. Eskultorearen omenez eta haren memoria gordetzeko helburuarekin osatutako liburuak dira. Haien edizioa Donostiako Oficina de Ideas bulegoko Poesiaren Lagunek zaindu dute. Carlos Aurtenetxek eskainitako poemen artean Esku handituen erromantzea, Gorputz gautiar, Han datza maitasuna, Aldaonen etortzea eta Gorputzen legea daude.