“Barkamena norberaren ekimen pertsonala da”
- HBko parlamentaria izan zen 87tik 90era.
Ordutik hona euskalgintzarako bizi da.
15. Korrika berak koordinatu du.
Zu ez zara izango... euskaraz “konpromisoz” egiten duten horietariko bat?
“Konpromisoz” egiten diren guztiak une konkretu eta laburretarako izaten dira. Nire konpromisoa betiko da.
Zein da euskararen etsairik amorratuena?
Euskara normalizatuta dagoela esaten digun lelo ezkutu hori.
Karrantzan euskara “normalizatzea” zer litzateke?
Karrantzan eta edonon, “normalizazioa” hitzak berak dioena baino ez da: normaltasunez aritu ahal izatea, geure bizitzaren esparru eta une guztietan erabili ahal izatea arazorik gabe. Leku batzuetan besteetan baino zailagoa izango da…
Euskara desagertzen den egunean milioi bat lagun joango da Korrikara, entzun nion behin batean Atxagari...
Premisa da okerra. Ez dugu euskara desagertzen utziko.
Edurne moduko bilbotarrentzat... Zazpi Kaleetan al dago zuen Obaba?
Ez naiz horren bilbotarra. Bilbo ere euskalduntzen doan hiria da. Zazpi Kaleetan, akaso, inon baino gehiago entzuten da, baina ez ahaztu orain Metroa dagoela, eta minutu gutxitan punta batetik bestera mugitzen gara euskaldunak.
Agian bilbotar peto batentzat Bilbo ez dago Euskal Herria barruan, baizik eta alderantziz: Euskal Herria Bilbo barruan!
Bilbo Euskal Herrian dagoela ezin ukatu, baina ez pentsa! hainbeste Euskal Herri dago Bilbo barruan!
Bilbon eskatu zien barkamena Lehendakariak ETAk hildakoen senideei. Barkatu galdera: zuk barkatu al duzu?
Barkamena norberaren ekimen pertsonala da. Horregatik harritzen nau inoren izenean barkamena eskatze horrek. Une honetan, orrokorrean, daukagun egoerari aurre egiteari garrantzitsuago deritzot neure egoera pertsonala begiratzeari baino.
Konponbidearen mesedetan hartuko zenukeen lehen erabakia...
Begira, hemen denok dugu geure erantzukizuna, eta denok aportatu behar dugu. Baina erantzukizunak eta erantzunkizunak daude. Jezar daitezen behingoz ahalmena dutenak!
Sententzian jasota ez dagoen zer dakizu aitaren hilketaz?
Edozein euskal hiritarrek dakiena: ia dena.
Ia?
Bai, ia. Irabazten ez dugun bitartean ez dugu aukerarik izango Estatuaren artxibo sekretuetan arakatzeko…
Hauteskundeez zer espero?
Bakoitzak bereari botua eman ahal izatearekin konformatuko nintzateke momentuan.
Demagun ANV eta ASB alderdien artean hautatu behar izatea... Bai dilema hamletianoa!
Ea Conde Pumpidok, Blancok eta Azkunak entzuten dizuten! Baina 170.000 pertsonen eskubideez ari garenean txantxetarako gogo gutxi geratzen zait.
Fikzioaz mintzatu garenez, emaidazu zure gogoko eleberri baten izenburua...
Sarri pentsatu izan dut galdera hau egingo balidate zer erantzungo nukeen. Munduko literaturan hainbeste eleberri bikain egonda bakarra aukeratzea ezinezkoa zait niri behintzat.
Euskal futbolaren krisi gorriaz ere galdetu nahi dizut...
Krisietatik indartuta ateratzen omen gara euskaldunak…
Omen?
Omen.
Amen?
Bukaeran esaten da hori eta ni primeran pasatzen ari naiz solasaldi honekin.
Jakoba Errekondo eta Garbiñe Larrea han izango dira, baita Haziak liburuko egileak ere. Superbotereak hezkuntza liburua, Abentura erraldoia komikia... eta, jakina, Inor ez da ilegala-ren postutxoa ere ipiniko du ARGIAk. Aurtengo beste nobedadea: denda fisikoa Andra Mari... [+]
Bukatu da (bukatzen ari da) tomatearen sasoia eta unea aprobetxatu nahi nuke uda honetan izandako kezka eta amorruak orriotara ekartzeko.
2016an ikusi omen zuten lehen aldiz Herrialde Katalanetan. Bi urte geroago, 2018an alegia, Xanti Pagola eta Imanol Zabalegui entomologoek Gipuzkoan azaldu zela jakitera eman zuten. Eta euskaraz izendatu ere bai! Urte batzuk pasa dira eta ez dut esango gure artean ikusteaz ohitu... [+]
Bart arratsean izan da. Etxekoak gintonikari zurrupaka. Ni aspaldi dibortziatu nintzen gintonikarekin. Ginak oso gogoko ditut, hortz-haginak ur, baina tonikak ezin edan ditut, gozoegi eta burbuila zakar gehiegi.
"Oñatiarra da, karisma handia du, baita babes soziala ere", seinalatu dute idatzi batean, sare sozialetako kontu berri baten bidez hedatu dena. Leku ugaritako neska gazteak elkartu dira salaketa egiteko. EITBk bertan behera utzi du, kautelaz, pertsona hori ageri... [+]
Euskalgintzaren Kontseiluak Larrialditik indarraldira adierazpena plazaratu du Euskararen Egunaren atarian. 2025a euskararen normalizazio eta biziberritze prozesua “noranzko egokian jartzeko urtea” izango dela adierazi du. Bide horretan, lehen eginkizuntzat jo dute... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Estirpe Imperial da talde neonazia, besteak beste ezagun egin dena erabiltzen dituen letra faxista eta arrazistengatik.
Gipuzkoako Batzar Nagusietako Kultura Batzordeak, EAJ, PSE eta PPren aldeko botoekin, azaroaren 22ko bilkuran erabaki du Eusko Jaurlaritzari eskatzea azter ditzala “euskal kulturan hain esanguratsuak diren” gurutzeak eta haien inguruko “ohiturak”... [+]