Hizkuntz ereduen sistemari buruz PSE-EEko Isabel Celaari Berrian egindako elkarrizketako pasarteak: “Hezkuntza sistemak etengabe ebaluatzen du. Ikasle batek ikasgai baten azterketa euskaraz gainditzen badu, ez al du erakutsi euskaraz duen gaitasuna? Probak borondatezkoa beharko luke. Inolako hezkuntza sistemak ez du derrigortzen kanpoko neurketa sistemarik. Zergatik sartuko dugu oztopo gehigarri bat?”. Galdera: Hezkuntza Sailaren proposamenaren arabera, gaztelania ere irakats hizkuntza izango da. Proposamenak gaztelania kanporatzen al du? “Inguru gehienetan bai. Ikasle batek B2 maila lortu behar badu eta baldin badaki egungo D ereduko hiru ikasletik bik bakarrik lortu dutela B2 maila, ez du beste erremediorik: euskara, euskara eta euskara. Beraz, gaztelania eta ingelesa ez lirateke agertuko. Tontxu Campos Eusko Jaurlaritzako Hezkuntza sailburuaren esanetan, euskara zabalduago dagoen lekuetan leku gehiago egongo litzateke ingelesarentzat”. Galdera: Edo gaztelaniarentzat. “Hori da gure proposamena, ez berea”.