Agurain estiloa eta gainirabaziak
- Paseatzen ari nintzen Iñaki Berazarekin Aguraingo kaleetatik “Herri honek etorkizunik baduela uste al duzu?” galdetu nionean. Itauna egitean Gasteiz hiriburuak gazteengan eduki dezakeen erakargarritasun indartsua nuen gogoan, indartsuegia 4.500 biztanle inguru izango dituen herriko gazteentzat.
Aguraingo alkateak besotik heldu eta San Juan elizako atze aldera eraman ninduen. Bertatik, hiribildutik berrehun bat metrotara eraikitzen ari den urbanizazioa erakutsi zidan: “Begira; bostehun etxe eraikitzen ari gara; 90 metro karratu, garajea eta ganbara. Zenbatetan uste duzu?”. Erantzunarekin ez nuela asmatzen ikusita berak eman zidan zifra: hemeretzi milioi pezeta VPOkoak, eskaintza askekoak 25 milioi eta familia bakarrekoak 34 milioi.
Agurain estiloaz hausnartzen itzuli nintzen Arrasatera. Helburura bitartean beste zenbait herritatik igaro behar izan nuen, eraikuntzaren sukarra sufritzen ari diren horietakoak, hain zuzen, eta ezin nion konparaketak egiteari utzi izan. “Nola da posible Agurainen prezio horiek eta –nire itzul bideko hiriak bakarrik aipatzearren– Gasteiz, Eskoriatza, Aretxabaleta eta Arrasateko etxe berri batengatik 60, 80 eta 100 milioi pagatu behar izatea?”. Materialen kostuak, obren goi mailako amaierak, zergek eta abarrek justifikatzen al dute diferentzia lotsagarria? Ezta inondik ere! Zerbait gehiago dago Agurainen eta aipatu herri horien gisakoen arteko prezioetan. Eta zerbait hori, lurraren gaineko kudeaketa estilo diferenteak dira. Non geratzen dira, horren kariaz aldean egon daitezkeen 50-60 milioi pezeta horiek?
Gaizki ulertutako garapenaren inguruko mentalitateak hazkundearen fetitxismoa ekarri du. Itzela da nola sortzen ari diren gure herrietan auzo berriak, neurri gabe, planifikaziorik gabe, tokiko agintariak liluratuta bide daudelarik euren herrietako hedapen basatiarekin. Zentro komertzial erraldoiak, erresidentzia gune izugarriak –bai, etxe elkarri atxikietarako zaletasun ez iraunkor horretaz ari naiz– aplikazio zalantzagarriko azpiegitura zementatuak eta abar luze batek eraman gaitu kaos urbanistiko gizatasun gabe batera, gure ingurua mende luzetarako hipotekatuta utzirik. Eta ez nauzue mundu bukolikoaz amets egiten duen hiritarra!
Gure gizartea muga ulertezinetaraino kontsumista bihurtu da eta hori garbi ikusi dute eraikuntzako enpresek. Udaletako diru premiaz jabetu diren moduan, enplegatuen kopurua etenik gabe handitzen ari diren toki korporazioen hileroko ordain beharra gero eta potoloagoa baita. Gai dira enpresa horiek –galdetu bestela Arrasaten– berrehun etxebizitzako auzo duin oso bat desagertzea planteatzeko, orube berean laurehun etxe berri jasotzea uzten bazaie. Hori bai, berrehun kaltetuei euren espazioa itzuliko diete –eta igogailua oparia! Eskerrik asko!– eta obrek dirauten bitartean berrehun sendi horiek beste etxe batzuetan kokatuko dituzte. Hainbeste etxe huts al da inguruan? Orduan, zertarako berririk? Agurain estiloko prezioak aplikatu bagenizkie etxe horiei, 10.000 milioi pezeta ateratzen zaizkit, gutxienez, gainirabazietan.
Hiritarrok hainbeste burugabekeriaren aurrean zarpailtzen ari gara. Erreakzionatzeko ahalmena galdu dugula dirudi. Horretaz ari dira baliatzen, tamalez, esparru politikoan agintzeraino iritsi diren eraikuntza sektoreko enpresak.
Galdera batzuen aurrean, behin eta berriz helduok ume sentitzen garela dio Iñigo Martinezek, “bizitza zulo existentzialez beterik” dagoelako. Galderaz galdera "behin-behineko erantzunen bila" aritzeko asmoa du irakasle eta filosofoak. ARGIA... [+]
Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez. Asteburu honetan, urteroko besta antolatuko dute... [+]
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Bilboko Guggenheimeko museoaren kanpoaldean bildu dira plataformako kideak, bertan zuelako bere lehen agerraldi publikoa Bilboko Guggenheim Museoko zuzendari berri Miren Arzallusek. Landuko dituen ildoez hitz egiteko "goizegi" dela adierazi du Arzallusek, nahiz eta... [+]
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Mundu osoarentzat %10eko muga-zerga globala inposatuko du Donald Trumpen administrazioak, eta hainbat herrialderen inportazioak are gehiago zergapetuko ditu, tartean Txinakoak (%34) eta EBkoak (%20). Baina Hegoalde Globaleko herrialdeak izango dira kaltetuenak: Lesoto (%50),... [+]
Heriotza-zigorra eskatzeko argudio gisa, "indarkeria politikoko ekintza" izan zela adierazi du AEBetako Fiskal Nagusiak.
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]