Martxoaren 20tik 23ra bitartean euskarazko hiru film eskainiko dituzte Donibane-Garaziko Le Vauban aretoan, ZineuskaraZ festibalaren barruan: Nomadak TX (20an 21:00etan eta 21ean 18:00etan), Aupa Etxebeste! (22an 20:30ean eta 23an 19:00etan) eta Kutsidazu Bidea, Ixabel (20an 19:00etan, 21ean 21:00etan eta 23an 21:00etan). Halaber, hilaren 21ean, Kutsidazu Bidea, Ixabel filmaren proiekzioa amaitu ostean, Eneko Olasagasti ekoizlearekin eta pelikulako aktore batzuekin hitz egiteko parada izango du publikoak; eta 22an, Ramon Agirre Aupa Etxebeste filmeko aktorea hurbilduko da Le Vauban aretora. Bestalde, 23an, Korrika Kulturalarekin bat eginez, Kutsidazu Bidea, Ixabel filma eman ondoren Korrika 15eko jantziak erakutsiko dituzte moda desfile berezi batean.