ZERUKO ARGIA'ko irakurleak ezagututen doguz Ez dok amairu- taldeko abeslariak. Eurek ibili dira gure uri ta errietatik euskal abesti barriak zabaltzen. Euskal Abestiaren III Sariketako kontzierteak antolatuteko orduan, ezin itxi alde baten talde ontako abeslariak. Euren artean, bi aukeratu ziran: Lurdes Iriondo ta Benito Lertxundi. Zuek ikual dozuez, entzun dautsasuez. Orain, jakin daigun zer esan dauskuen lengo egunean Bilbo'ra etorri ziranean ensayoa egiteko.

Lurdes Iriondo, «Euskal Erri'ren nobia», Aresti'k deituten dautson lez, Donostia'n jayo zan, baña txikitatik Urnieta'n bizi da. Ez dausku esan gura noiz jayo dan. Andra bateri ori galdetutea, ez da egoki.

Nik begiratu dautsat. Zenbat urte eukiko dauz? Andren urteak jakitea ez da gauza erreza. Nik beintzat ez dot ortarako balio. 18? 20?

Noiz asi ziñan abestuten?

Orain urte bi, gitxi gora bera. «Gartetxu naz» abestuten ninzalarik, adiskide batzuk entsan neustien eta Andoain'en, jai baten abestuteko deitu. Au izan zan nire lenengo kontziertoa, benefikoa.

Zureak dira abestiak?

Musika nirea, ta itzak, batzuk nireak eta besteak Xabier Lete'renak.

Zenbat abesti egin dezuz?

Ogei bat. Lenengoak, «Agurra» ta «Abesten dizut Jauna». Azkena, ointxe egin dodana, Mao-tse tung'en poema batetik itzak artuaz.

Zenbat bider abestu dozu jendearen aurrean?

170 bider, Euskal Erri osoan.

Noiz urtengo da zure diskoa?

Aste ontan.

Agur, Lurdes. Datorren igandean ikusiko zaituegu Donostia'ko Victoria Eugenia'n. Berak abestuko deuz Euskal Abestiaren III Sariketako abesti bi edo iru. Benito Lertxundi da «Ez dok amairu» Taldeko mutila, Sariketa ontan abestuko dauana.

Orio'n jaio nintzan, 1942 urtarrilla (ilbeltza'ko) seian.

Ederto. Orain 25 urte, erregalu ona ekerri euskuen Erregeak.Esan daigun, aurrera joan baño len, bai Lurdes eta bai Benito, sendi edo famili andikoak dirala, ta anditasunak emen esan gura dau, anaiarreba asko dirala. Lurdes. amar arreba artean bigarrena, ta Benito, bederatziren artean gazteena. Eta goazan aurrera. Noiz asi ziñan abestuten?

1965'garren urtean, «La Voz de España»'k antolatutako sariketa baten, artista barrien artean, bigarren geratu nintzan. Beste sariketa baten, «La Voz de Guipuzkoa~'k antolatuta, bigarren, eta beste baten, lenengoa.

Abestuten dozuzan abestiak, zureak dira?

Len ez, baña orain bai.

Zelako abestiak egiten dezuz?

Erritar kutsukoak, sentimentalak.

Eta ritmoak?

Surf eta siow rock.

Zuk bakarrik idazten dozuz?

Musika nirea da, itzak, batzuk Lete'renak eta besteak nireak.

Lurdes eta Benito, benetan dira interesanteak, personalidade andikoak. Euren estilorako abesti aukerakoak daudez Sariketa ontan. Biek uste dabe euskerak laguntza andia artuko dauala abesti barrietatik.

Euskera izkuntza bizi bat izatea gura badogu, bearrezkoa dau gaurko musikan sartzea

Olan uste dogu guk be. Eta ortarako egin da Euskal Abestiaren III Sariketa Donostia'ko Victoria Eugenia teatroan, goizeko amabietan, ikusiko dogu. Sei abesti eder, bost edo sei abeslari on orkesta aparteko bat Juan Cordero'ren zuzendaritzapean... eta juradu andi batzuek, erria. Sariketa au benetan izango da ederra. Agur.