Baionako Maiatz literatur aldizkariak 25 urte bete berri ditu. Denbora horretan 43 zenbaki kaleratu dituzte eta 44. zenbakia ere bidean da. Hurrengo astean kaleratuko dute eta ohi bezala estilo guztietako testuak bilduko ditu. Halaber, 25. urteurrena ospatzeko solasaldiak antolatuko dituzte maiatzean. Horrez gain, literatur aldizkariaren ondare osoa Interneten jartzeko asmoa dute. Ale batzuk Ibinagabeitia Proiektuaren web gunean (http://andima.armiarma.com/maia/aurki.htm) daude dagoeneko.