Julia, Lucia, Pitxu Ho
- Inaziok eta Angelek desafio ederra bota didate mugaren beste aldetik alajainkoa! Baina badu aspaldi ez dudala libururik irakurri, salbu, aitor dut, Malou Berlinen zeit bis mitternacht (Gauerdirako denbora zoragarria). Hargatik ez naiz Euskal Herriko bideetan ibiltzetik gelditu. Ene barnealderako bidaietarik Pitxuren testamentu apokrifoarekin itzuli naiz. Sohütako ikastolako gurasoek txukunki eta iluna zetorrela, kozinatu pastetxari naka-naka ari nintzaiolarik aditu dudana eskainiko dizuet. Ez zuberotarrez prefosta, Iparraldeko euskara, barbaro arraroa, zailegia eta kasik ulertezina bilakatua zaizuelakoan jadanik. Begira, ez naiz hain krudela, aitak alaba sortu berriari ondu beharko lituzkeen olerkiak asmatzera derrigortua ez naizenean!
- Pitxuk uzten du euskal kulturaren merkatu orokorrean satortuz aberasteko, Niko Etxarten Maule Baitako zine-gelako kontzertuaren bideo grabaketa pirata bere ondorengoei, eta gerlaroak iraungo dueno Euskadi jator gozo eta puta huntan abestia, ahoak eman ahala eta zintzurrak urratzeraino orroa dezaten,
- Pitxuk uzten dio NY zigiluaz hornitu rap musikarien burukoa eta Aviron Bayonnais errugbi taldearen bandera zuri-urdina Filipe Bidarti, txapel eta ikurrina arautuekin agertzeak ez baitu gizona euskaldunago egiten, euskalduntasuna are gehiago folklorizatzen baino, eta Madonnaren I love NY kanta, ikasi ondoan, bihotzez txalupa dezan, gaurkoan jada jokoz kanpo bihurturiko Gora IK lema oihukatzeko partez.
- Pitxuk uzten ditu Mexiko hirian eskuraturiko kutsaduraren aurkako maskarak Sarrikota Peko biztanleei, etxeetarik hurbil Benafarroa-Lapurdiko zakarrak oro, edozein alderdiko hautetsien adostasunarekin eraikiko den zikintegi erraldoian metatuko zaizkienean erabil ditzaten ausarki, eta Dire Straits taldearen Industrial desease albuma.
- Pitxuk uzten du Txerokeeren ETAko komando-mandoei hogei urte pasa dituen bere auto zaharra, bazoka ukaldika josta daitezen arraiki Landesetako oihanetan, hor bederen ez dutelako min eta sarraskirik obratuko, eta John Lennon zenaren Give peace a chance melodia ikaragarriaren Shangaiko Live bertsioa.
- Pitxuk uzten ditu euskara masakratzearen erruz eta sobera ardura erdaretan zinpurtu delako bildu dituen multa guztiak Euskal Kultur Erakundeari ordain ditzan xeherik galdatu gabe, eta ez etsitzeko Euskara putzu sakon eta ilun bat zen dakarren CDa.
Pitxuk uzten du Korrika 15aren antolatzaileei Karabana Handia euskal emakumea omentzeko proposamena, ohartu baita hil aitzineko egunetan, emakumeria ma(g)ma dentsoa eta bana ezina bailitzan, emazteak globalki ohoratuko direla, gizonek aldiz izen deitura zehatzak merezi dituztelarik, eta entzutearren Maite Idirinen Ahizpatasunaren haizea samurra,
- Pitxuk uzten ditu komentarioz, ideiaz, marrazkiz eta poesia-umekiz hanturiko ingurazti intimoak, bizitzan nola ohean beti leku gehiegi hartu dion bere azken maitale zainartari, eta Kd Lang-en Hymns Of The 49. Parallel lana.
- Pitxuk uzten ditu bere kexuak Euskararen Behatokiko erantzungailuan, mihi lizunak er(r)otik zinezko hizkuntza politika eraginkorra premiazkoa duela erdi haserre erantsiz, eta Etxamendi-ren Ariana balada minbera.
(...)
Inazio eta Angel, zer diozue sasietako sasi-ttakun honen soinuaz? Pitxuren ele-askatasunak harritzen nau. Ez da aipamen sofista-literarioetan galtzen. Balia gaitezen gu ere, Pitxuren maneran estiretan pairatzen doakigun gure euskaran, batzuen egiak, besteen gezurrak eta alderantziz, zintzoki plazaratzeko.
Ahamen bateko amenez.
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).