Skype: Telefono fakturei agur
Musika elkartrukerako Kazaa aplikazioa sortu zuten pertsona berak daude Skypen atzean: Niklas Zennström eta Janus Friis. Suediarra lehena, daniarra bigarrena, 2003. urtean ekin zioten abenturari. Helburua, Internet bidezko telefonia enpresa bat abian jartzea. Ezingo dute esan apustua gaizki atera zaienik. 2005. urtean eBay Interneteko enkante etxeak 2.100 milioi euro ordaindu zituen Skype bereganatzeko. Eta ez ziren interesa zuten bakarrak: Microsoft, Yahoo eta Google ere erosteko gogoz ibili ziren.
Skypek erabiltzeko eskaintzen dituen erraztasunak izan du zeresana arrakasta horretan. Aplikazioa www.skype.com gunetik deskargatu, instalatu eta ireki, besterik ez da egin behar beste ordenagailu batean dagoen edonorekin doan hitz egiteko. Programa lehen aldiz abiaraztean erabiltzaile izena eman behar dugu. Hori izango da hortik aurrera gure «telefono zenbakia». Ordenagailu batetik bestera deitzeko erabiltzen da erabiltzaile izena. Programak gure ezagunen agenda osatzeko aukera ematen digu eta konektatzen garen bakoitzean agendan dauzkagun pertsonak ere konektatuta ote dauden ikus dezakegu. Deiak egitea berriz, munduko gauzarik errazena da: nori deitu nahi diogun aukeratu eta ordenagailuaren saguarekin pantailan azaltzen den botoi berdeari eman, besterik ez.
Nori deitu ordea? Nola jakin inguruan programa honen erabiltzailerik ba ote dagoen? Deitu nahi duzun pertsonaren erabiltzaile izena ezagutzen ez baduzu, aplikazioak bilatzaile bat dauka, kontaktua errazteko. Izena, herrialdea, sexua edo hizkuntza bezalako parametroak erabiltzen ditu, eta behingoagatik azken horretan Basque aukera ere azaltzen da.
Halaber, joan den urteko otsailetik, SMS mezuak bidaltzeko aukera eskaintzen du programak. Hasieran doan egin bazitekeen ere, gaur egun ordaindu egin behar da. Denborak aurrera egin ahala antzeko berrikuntza gehiago egin dizkiote Skyperi. Orain posible da ehun pertsona baino gehiagoko taldeetan moderatutako elkarrizketak egitea, berehalako mezu sistema erabiltzea -MSN Messenger edo Yahoo Messenger programen antzera-, bideo-deiak egitea -bideokamera instalatuta duten ordenagailuetan- edo erantzungailu automatiko batean bezala ahotsezko mezuak uztea, besteak beste.
Azkenik, programa deskargatzerakoan ia inork irakurtzen ez duen lizentzian esaten denez, Skypera konektatuta gauden bitartean, deirik egiten ez badugu ere gure konexioa erabili dezakete beste erabiltzaileen trafikoa bideratzeko.
- WengoPhone (www.openwengo.org): 2004an sortu zen, GPL lizentzia librea darabil eta SIP protokolo estandarrean oinarritzen da. Erabilera aldetik Skyperen antzekoa da. Alderik nabarmenena zera da: WengoPhone erabiliz gero SIP estandarrean oinarritutako beste programekin bateragarria dela. Gainera, kode irekikoa denez, erabiltzaileek programa nahi duten eran moldatu dezakete.
- Gizmo Project (www.gizmoproject.com): Proiektu honen baitan, SIP estandarra erabiltzen duten hainbat aplikazio sortu dira; hala nola, Asterisk eta Ekiga. Programa horiek estandar berean oinarritutakoekin bateragarriak dira.
- Switchboard (http://theswitchboard.ca): Ez du instalaziorik eskatzen. Web gunera sartu, erabiliko dugun hizkuntza aukeratu eta ataritik bertatik egin ditzakegu deiak nabigatzailean abiarazten den Java aplikazio bati esker. Windows, Mac eta Linux sistema eragileekin bateragarria da.
Hala ere, hiru adibide hauek lagin oso txikia dira. Internet bidezko telefonia erabiltzeko programen arteko alderaketa zabalagoa dago Wikipedian, http://en.wikipedia.org /wiki/Comparison_of_VoIP_software helbidean.
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Zestoako Iraeta auzoko Amilibia baserria eta lurra kolektibizatzeko 100.000 euro batzea falta du Amillubi proiektuak, lehen urte honetan 290.000 euro eskuratu baititu. Biolurrek abiatutako proiektu agroekologiko honek dagoeneko jarri du lurra martxan, sektorearen beharrei... [+]
Forensic Architecture erakundearen ondorioetakoa da hori, ikusita Israelgo Armadak nola antolatu duen Gazaren egungo kontrola. Suntsiketa maila hori bakarrik litzateke Gazaren kontrola segurtatzeko, zeren eta, berez, txikitze maila askoz handiagoa da lurraldearen gainerako... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Azaroaren 26an eta 27an, Langune Euskal Herriko Hizkuntza Industrien Elkarteak eta FUEN Federal Union of European Nationalities erakundeak antolatuta, ‘Hizkuntzen irabazia. Benefits of language industry in the economy’ kongresua egingo da Donostiako Kursaalean. Han... [+]
Azaroaren 23an egingo dute tokiko arbola, fruitondo eta landare ekoizleen azoka. Horrez gain, egitarau oso indartsua prestatu dute 22 arratsaldetik hasita 23 iluntzera arte: bioaniztasunari buruzko mahai-ingurua, sagarrari buruzko mintzaldia, "Nor dabil basoan?"... [+]
Lup izeneko gailuak testuak ahots bihurtzen ditu adimen artifizialari esker. Hainbat hizkuntza bihurtzeko gaitasuna dauka. Teknologia gutxiko gailua da, hain zuzen aurrerapen teknologikoetatik urrun dagoen jendeari balio diezaion. Ikusmen arazoak dituztenentzat sortu eta... [+]
Udan izandako indarkeria kasuen gorakada batetik, eta hainbat gizonezkok mugimendu feministak antolaturiko ekitaldiak boikotatu dituztela bestetik, Bortziriak, Xareta, Azkain, Bertizarana, Malerreka eta Baztango mugimendu feministek, erakunde publikoen konpromiso irmoa exijitu... [+]
Espainiako Defentsa Ministerioaren 6 milioi euroko esleipen publikoak jaso ditu aurten enpresak. Margarita Robles ministroaren arabera, urriaren 7tik ez diote "armarik saldu edo erosi Israelgo Estatuari", baina indarrean zeuden kontratuei eutsi diete. Elbit Systemsek... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Duela 40 urte sortu zen Geronimo Uztariz Institutua, Nafarroako Historia beste era batera ikertzeko eta zabaltzeko helburuarekin. Jende anitza bildu du lau hamarkada hauetan, eta gai ugari ikertu ditu denbora horretan. Historialari gazteak ere batu zaizkie. Zahar eta berriaren... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]