Guztiz ados gaude. Rock talde bezala ikusten dugu gure burua. Diskoa apur bat metalzalea irten bazaigu ere, estilo askotatik edan dugu, eta gai gara euren artean oso desberdinak diren estiloetako kantuak lantzeko, polita eta aberasgarria baita halakoak uztartzea. Batek daki hurrengo lanetan norantz joko dugun! Musika da munduan gogokoen duguna, eta bere mugagabetasunak egiten du hain erakargarri eta aparteko.

Itzela izan da gu aukeratzea aurkezpen gisa. Horren ostean, talde gehiago hartu dituzte, dozena erdi bat gara orain. Esandakoa betetzea da eskatzen dieguna, eta primeran ari dira betetzen. Gure musika gustuko dutelako eta lokalean lan eta lan ordu piloa ematen dugula dakitelako hartu gaituzte. Poztekoa da egungo diskoen salmenten egoera eskasa ikusita diskoetxeekin horrelako tratu duinak lortzea posible dela jakitea.

Bai. Egungo joera ez dator bat guk egin dugunarekin. Guk grabazioan diru asko gastatu dugu, eta promozioan gutxi. Argi genuen konposatzen hainbeste ordu egin ostean, grabazioari lehentasuna eman nahi geniola. Disko hau betiko da, etorkizunean entzuteak zirrara berezia sorraraziko digu ziur. Hori ez dago diruz ordaintzerik.

Gaelikoz, «ipurdia musukatu» esan nahi du, eta horren zergatia taldearen hasierako anekdota bati zor zaio, baina hori guretzat gordeko dugu.

Izen gaeliko probokatzailea daukan Mungiako taldeak lan interesgarria kaleratu du; Babel Musik diskoetxearen estreinaldia da gainera. Eskarmentu handia dute, eta bigarren lan luzea gitarra eta erritmo metalikoz jantzi arren, bestelako soinu asko bildu dituzte. Kontrasteak eta garapenak gustuko dituzte eta kanta berean giro akustikoetatik death metalaren pareko ahots guturaletara jauzi egiteko gai dira. Hala ere, melodia beti dago presente. Antzematen da iragan heavya dutela (Kale gorritik...), eta baita herrikide izan dituzten Pilt-ek ere eragin dituela (Lorratza), baina jazzarekin eta post-hardcorearekin ere ausartzen dira (Nora heltzeko?). Bizkaiko poeta esanguratsuek hainbat letra idatzi dizkieten arren, ez daude laguntza premian, zer pentsa ematen duten gogoeta propioak ere batu dituzte-eta.