Euskadi eraikitzen
Zuzenketak gutxi izan dira eta 90eko hamarkadako bukaeran eta gaur egun berriz ere eraikuntza enpresen mesedetara bueltatu garela ematen du. Azpiegitura handiez gain, etxebizitzak eraikitzearen negozioa etekin handienak ematen duena bihurtu da gure Euskal Herri txikian. Horrek bueltarik gabeko egoerara bultzatuko gaitu eta gure herriaren itxura estetikoan eragin handia izango du.
Ez dut ezagutzen neurriaren aitzakia erabilita etxebizitza gehiago eraikitzeari debekua jarri dion udalik. Gero eta gehiago eraikitzearen ideia oso barneratuta daukagu eta udalek ez dute zalantzan jartzen eraikuntza enpresa handiek eraikitzeko duten eskubidea. Guztiek aipatuko dute jendeak etxebizitzak behar dituztela eta horregatik behar beharrezkoak direla eraikin berriak, horrela merkeagoak izango direlako. Guk bitartean ez dugu behin ere ikusten egoera horretara noiz ailegatuko garen, gero eta etxebizitza gehiago bai, baina gero eta garestiagoak ere bai. Zeinen mesedetan eraikitzen da beraz horrenbeste? Zeinek irabazten duen ikusi beterik ez dago: eraikuntza enpresek eta erosteko maileguak ematen dituzten bankuek.
400 etxebizitza eraikitzeak hausnarketa handia ekarri beharko luke: jende horrek zerbitzu egokiak izango dituen, autoak lagatzeko tokiak egongo diren, trafikoan eragina izango duen, aisialdirako nahiko toki izango duten, herri edo hiri osoan izango duen eragina, aldaketa estetikoak, eta abar. Baina udaleko agintariek hau guztia automatikoa dela uste dute eta gero etortzen dira denon artean ordaindu behar ditugun hobekuntzak, eraikuntza enpresak aberasten diren bitartean.
Gai honetan greziarren neurriaren kontzeptua gogoraraztea ez litzateke txarra izango. Inork ez du zalantzan jartzen herri edo hiri batek etengabeko haziera izan behar duela, zergatik? Agian hobe izango litzateke neurri jakin batean geratzea edo bertan bizi den jendearen behar errealetara mugatzea. Denok dakigu jende gazteak etxeak behar dituztela, baina denek berriak izan behar al dute? Inork egiten al du behar horien zenbatekoaren kontaketa? Noiz mugatu behar ditugu etxebizitza hutsak edukitzea? Nola uler daiteke 2.000 biztanle dituen herri batek 400 etxebizitza gehiago eraikitzea? Zeinentzat dira etxebizitza horiek?
Ekonomia libreari mugarik ezin zaiola jarri da liberalismo gordinaren ezaugarria eta horren ondorioz gure arteko hirigintza gero eta gutxiago dago erakunde publikoen esku, eraikuntza enpresak eta erakunde ekonomiko handiak dira paisaia moldatzen ari direnak. Hemendik gutxira Euskal Herriak eraiki zezakeen guztia eraikitzera iritsiko da eta babestutako gune naturalak edo historikoak eraikitzeko beharraz ohartaraziko gaituzte erakunde publikoetatik guztion onbeharrez. Bitartean jendeak etxebizitzak erosteko zailtasunekin jarraituko du, interesik gabeko gune urbanoak izango ditugu eta gainera sozialki gaizki antolatutakoak horrek dakarren bazterketa arriskuekin.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Santa Marta komunitateko (El Salvador) ADES Garapen Ekonomiko eta Sozialerako Elkarteko presidentea da Vidalina Morales. “Rol horretatik harago, ingurumen ekintzailea ere banaiz, giza eskubideen defendatzailea eta emakume baserritarra; hainbat urtez borrokan egon diren... [+]
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Gabonetako Loteriaren datuak eman berri ditu Espainiako Gobernuaren menpeko Estatuko Loteriak eta Apustuak elkarteak. Horien arabera, Araba, Bizkaia eta Gipuzkoan batez beste 84,33 euro gastatu ditu herritar bakoitzak, eta nafarrek, berriz, 53,38 euro, EiTBn irakur daitekeenez... [+]
Hainbat euskal presok salatu duenez, Zaballako espetxezainek "ezkutuko greba" hasi dute, haien erdiak gaixotasun baja hartuta. "Ezkutuko greba honen bitartez, 'zerbitzuaren gabeziak' salatzea dute helburu, baina benetako greba bati ekin ez, eta preso... [+]
Herriko elkarte eta eragileek antolatzen dute Olentzero eta Mari Domingiren etorrera Irunen, sorreratik. Goizetik gauera jakin dute udalak hartu duela ekitaldiaren jabetza eta beraz, ekitaldiaren inguruko azken erabakiak haren gain geratu direla: “Udalari eskatzen diogu... [+]
Ez dut maite aterkia partekatzen ez dakien jendea. Ez dut maite azkarregi ibiltzen den jendea, ni ez naizenean; ez eta polikiegi ibiltzen dena ere (tira, horiek pixka bat bai, baina pixka bat bakarrik). Ez dut maite autobusean pasilloaren aldeko eserlekuan esertzen den jendea... [+]
Palestinarren genozidiorako Israelek erabiltzen duen arma nagusietako bat gosea da. Alde batetik, Gazara elikagaiak sartzeko debekuarekin, eta, bestetik, Palestinako elikadura-burujabetza ezabatuta.
Ugaztun hitza entzutean, askotan burura etortzen zaizkigun lehen ordezkariak tamaina handienekoak izan ohi dira: hartza, otsoa, oreina… Batzuetan etxekotutako katua edo txakurra dira agertzen lehenak, edo urruneko lehoiak eta elefanteak. Ikusgarritasunak lehia irabazi ohi... [+]
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]