Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

astelehena 2024ko abenduaren 30ean

Liburutegia

Pilar Iparragirre

2021eko uztailaren 20an

Inprimatu

Axenario
Jules Renard
Alberdania, Elkar
180 orrialde 10,70 euro

Amak maite ez duen mutikoa

Ordura arteko literaturan hain ohikoak ziren ama maitekorraren eta aingeruzko semetxoaren mitoak hankaz gora jarri zituen Jules Renard-ek (1864-1910) Itziar Otegik euskaratu duen Axenario liburuan. Egileak berak aitortu zuenez, bere haurtzaroan oinarritua dago, amarenganako herrak bultzatu zuen lan hori idaztera. Protagonista, Axenario, mutiko ilegorri, oreztadun eta hankokerra da. Familiako gazteena da, amak ez du maite eta aitak ez dio jaramonik egiten, ezta anai-arrebek ere. Nolanahi ere, biktima ez ezik krudela, maltzurra eta animalia-senak bultzatua ikusi zuen Renardek mutiko hori, izaki konplexua izan arren, aldi berean fina, sentibera, eskuzabala eta noblea ere badelako. Haren amarekin, berriz, ama doilorraren eredua sortu zuen idazle frantziarrak.

Alta cocina de andar por casa
Asier Abal
Ttarttalo
252 orrialde 25,50 euro

Etxean erraz egin daitekeen goi mailako sukaldaritza

Sari ugari eskuratuak ditu Asier Abal hernaniarrak (1977) sukaldaritzan, azken biak aurten bertan: Martin Berasategik antolatutako lehiaketa gastronomikoan Urteko errezeta onenaren eta Errezeta berritzaile onenaren sariak jaso baitzituen. Alta cocina de andar por casa, berriz, sukaldari honek plazaratu duen aurreneko errezeta liburua da. Etxean zerbait berezia baina zailtasun handiegirik gabe prestatu nahi dutenei dago zuzendua. Bazkari edo afari berezi horien hasieran ateratzen diren gutizi hotz eta beroetatik hasiz, arrain, marisko, haragi eta postreetaraino, ehun bat plateren errezetak eskaintzen ditu liburuan sukaldariak. Gainera, ardoei eta mahaiaren atonketari eskainitako tarteak ere badira bertan. y

Zergatik ez dauzkat begi urdinak?
Anne Vantal
Ibaizabal
78 orrialde 9,40 euro

Adoptatutako neskaren nahia

Iñaki Zubeldiak euskaratu eta duela gutxi zendu zen Asun Balzolak marraztutako Anne Vantalen Zergatik ez dauzkat begi urdinak? liburuko protagonista Maia da, laster hamar urte beteko dituen neskatila. Oso beltzarana da, eta begiak ikatz kolorekoak ditu, bere ametsik handiena amak bezalako begi urdinak izatea bada ere. Arrazoia? Bada, mundu guztiak esaten diola zeinen ama dotore eta polita duen, ez daukala batere antzik harekin. Maiak jakin badaki oso txikia zenean gurasoak alabatzat hartu zutela. Kolonbiaraino joan ziren espreski horretarako. Baina berak haien antza izan nahi luke. Amari galdetu dio norberak bere begien kolorea alda al dezakeen. Amak aurpegi oso arraroa jarri du eta ezetz erantzun dio. Orduan, ea lentilak non eros ditzakeen galdetu dio neskak. Eta orduan amak barre egin du.

Herria, hiria, nazioa. Zibilismoaren sustraiak
Xabier Arregi
Pamiela
126 orrialde 11 euro

Politika kontzeptuak historian

Xabier Arregik oso garbi dauka herri subiranoa eta nazioa -baita ethno-hizkuntzako taldea erreferentzia gisara hartzen badu ere- asmatutako kontzeptuak direla, Estatua eta tribua, arraza eta hiria, zibilizazioa eta kultura, gizarte klasea eta klase borroka asmatuak izan diren bezalaxe, denek zerbait adierazten duten arren. Arregik honakoa nabarmentzen du liburuan: «Hastapen zibilista bera aitzakia ederra bihurtu da botere ekonomiko huts batzuen hedapen neurrigaberako eta berarentzat komenigarria den ethnos, hizkuntza, ekonomia eta botere ereduaren inposaketarako. Euripidesen Medeatik hasiz, Aristotelesen Politika -eta Sokratesen zein Platonen ideiak-, kristautasunari lotutako Tarsoko Pauloren Efesiarrei gutuna, Hobbesek idatziak, Lockeren lana, marxismoaren hastapenak ulertzeko oinarrizko diren Rousseaurenak, Kanten filosofia eta Jürgen Habermasen hiru testu aztertu ditu lanean.

Mila eta bat gauen gauak
Nagib Mahfuz
Txalaparta
326 orrialde 17 euro

Xerezadek bizirik irautea lortu eta gerokoak

1988ko Literatur Nobel saria irabazi zuen Nagib Mahfuz egipziarrak idatzitako lana da Mila eta bat gauen gauak, Patxi Zubizarretak Txalaparta argitaletxean kaleratzeko euskaratu duen liburua. Gibel solas bat ere gehitu dio itzultzaileak, itzulpen hori egitera bultzatu zuten arrazoiak agertuz. Mila gau eta bat gehiago liburuak kontakizun hari segida emateko gogoa piztu zion. Izan ere, Xerezadek bizirik irautea lortu zuen gauero sultanari kontatu behar izan zizkion istorioei esker. Baina, zer gertatu ote zen sultanak Xerezaderi bizitza barkatzea erabaki eta gero? Zubizarretak , horretan zebilela, galdera horri erantzuna ematen zion liburuarekin egin zuen topo, hau da, Nagib Mahfuzenarekin. y

Futbolzale...
Frauke Nahrgang
Ibaizabal
148 or. / 8,20 euro

Futbolaren alderdirik onenak nabarmentzen dituen bilduma

Futbolzale amorratuak izenburua du Ibaizabal argitaletxeak plazaratutako bilduma honek, eta gaztetxoen artean futbolaren alderdirik onenak nabarmentzea du helburu. Elkartasuna, elkarren arteko laguntza eta sexu edo arraza bereizkeriarik eza lirateke alderdi horiek. Fitxaketa bikaina du izenburutzat aurreneko liburuak, eta Moritzen eskola aldaketa azaltzen du. Gurasoak banandu zaizkiolako joan beharko du mutiko horrek aitonarekin bizitzera eta eskola berrira. Jakina, ez dira une samurrak beretzat.

ASTEKARIA

2052. zenbakia

2006ko irailaren 03a

Irakurrienak

Matomo erabiliz

Euskal selekzioaren ofizialtasuna lortzeko lehen urratsa, Nazioarteko Pilota Federazioak haren alde bozkatuta

Jon Torner Zabala

Artzain soil

Sabina Hourcade | Lucie Francini

Urte berriari

Behe Banda

‘Bagare’: euskararen eta euskal nortasunaren aldeko ereserkiak 50 urte

Jon Torner Zabala

Efemeridea: Joxe Martin Sagardia errefuxiatua hil zuen Batallón Vasco Españolek Miarritzen

ARGIA

Azkenak

2024-12-30 | Jon Torner Zabala

Euskal selekzioaren ofizialtasuna lortzeko lehen urratsa, Nazioarteko Pilota Federazioak haren alde bozkatuta

Euskadiko Euskal Pilota Federazioa eskubide osoko kide izatea onartu du Nazioarteko Pilota Federazioak, larunbatean Iruñean egindako batzarrean. Ofizialtasuna lortzeko bidean urrats handia da, "lorpen historikoa", Euskadiko Federazioak adierazi duenez, baina... [+]

2024-12-30 | Aiaraldea | Txabi Alvarado Bañares

Hamabost eraso salaketa jaso dituzte Laudioko fisioterapeutaren kasuari lotuta, eta ehunka izan daitezkeela kalkulatu du Mugimendu Feministak

Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.

2024-12-30 | Patxi Aznar

Hilketak, arma-eskalada eta ondorioak

Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]

2024-12-30 | Rober Gutiérrez

Gazte landunen %51k

Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]

2024-12-30 | Josu Jimenez Maia

Izenorde guztiak

Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.

Argazkilariaren lanari soraio,... [+]

2024-12-30 | Julene Flamarique

Militarrek “botak zintzilikatu” zituzten Bilbon Inuzente-egunean

Larunbatean Irala auzoko koarteleko ekintzarekin, #BotaKuartelak koartela eta armada guztiak desagertzea eskatu du. Gune horiek “benetako mehatxuetatik” babestuko dituen auzorako proiektuetara bideratzeko proposatu dute beste behin ere, hala nola desberdintasunetik,... [+]

2024-12-30 | Julene Flamarique

Gazan hil dituzten milaka haurren izen-abizenak irakurri dituzte 30 orduz jarraian Iruñean

Hondakinen artean oraindik identifikatu gabe dauden Palestinarrak ere ikusarazteko helburupean egin dute. Israelek Gazan 18.000 adingabe hil ditu urriaren 7az geroztik. BDZko Elisa Huarteren arabera, “zerrendetan oraindik ezezagunak diren izenak irudikatzen dituzten marra... [+]

2024-12-30 | Leire Ibar

Eraso arrazistak salatu dituzte Arrigorriagan eta Baionan

Arrigorriagako Udalak elkarretaratzea egin du igandean udaletxeko plazan, ostiralean txinatar jatorriko merkatari batek bere dendan jasandako erasoa salatzeko eta biktimari babesa adierazteko. Horrez gain, Ipar Euskal Herriko Kontseilu Sozialistak elkarretaratzea antolatu du... [+]

2024-12-30 | Euskalerria irratia

Joseba Asiron

“Haur eskoletan euskarazko eskaria eta eskaintza parekatzeko negoziazio bidean gaude PSNrekin”

"Erorien Monumentuaz sozialistekin akordioa lortu izan ez balitz, eraikinak bere horretan jarraituko luke aurrerantzean ere eta hori zen guk onartzen ez genuen aukera bakarra”. Hala dio Joseba Asironek. Entzun elkarrizketa osorik hemen sakatuta.

2024-12-30 | ARGIA

Osasun asegurua du Araba, Bizkaia eta Gipuzkoako biztanleen ia laurdenak

EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]

2024-12-30 | Ahotsa.info

Hatortxu Rocken azken aurreko edizio jendetsua Atarrabian euskal preso eta iheslarien etxeratzearen alde

Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]

2024-12-30 | Jon Torner Zabala

‘Bagare’: euskararen eta euskal nortasunaren aldeko ereserkiak 50 urte

1974ko abenduan sortu zuten Bagare kanta Gontzal Mendibil zeanuriarrak eta Bittor Kapanagak, haren Olaetako (Aramaio) baserrian. Euskararen eta euskal nortasunaren aldeko ereserki bilakatu zen gerora.