Katea ez da eten
Ez da futbolzaletu zaharra. Baina hilabete batzuk badira gure sei urteko semeak besterik ez duela buruan, kirola oro har eta futbola bereziki. Geneek zerbait agintzen badute bere gorputz txiki horretan, ez dut uste oso urrutira iritsiko denik baloiari ostikoka, aitak bestelako trebetasun batzuk izango ahal zituen bere garaian, hori behintzat ez. Eta ikuskizunari dagokionez, zer esango dut, partida bat osorik ikusteko ez dudala balio, aspertu egiten naizela segituan, eta, hala ere, Athletic eta Realaren arteko lehian, beti saiatu izan naizela Donostian Athleticekoa eta Bilbon Realekoa izaten. Kontra egiteagatik, besterik gabe.
Kontua da behin gure haurrak egindako galdera xalo horietako bati erantzun niola, ez horren modu xaloan, pilota partida bat ikusten ari ginela: "Aita, zu zer kolorekoaren alde zaude?", "Ni gorria, ume, ni beti gorriaren alde". Umeak holako galderak egiten iaioak izaten dira, eta kirolarekin lotura zuzenik ez duten kontuetan ere, sarri eskatu izan dit "aita, aukeratu kolore bat", eta, buruan bandera zabalik nuela, harro asko aukeratu izan diot "gorria, maite, aitak beti gorria nahiago".
* * *
Baina orain Munduko Kopa etorri da, eta hor ikusi dut gure seme hori begiak telebistari iltzatuta, baita errepikapenetan ere, umeek sentitzen duten behar hori dela eta, beti bi taldeetako baten alde jarri behar eta aldiko bat aukeratuz. Ez dut ukatuko nahigabea sortu zidala egun horietako batean, Ukrainaren edo Tunisiaren kontra izango zen, Espainiako gorritxoen alde ikusi nuenean "esa España, esa España, e!" eginez heriosuhar.
Gure haurtzaro eta gazte denborako Espainiaren kontrako jarrera arrazoibidearen arrastoan sartzen ahaleginak egindakoa naiz, baina badut oraindik, inkontzientearen zokoren batean gordeta, gu euskaldunak garela eta ezin diogula Espainiari animuak eman esaten didan ahots aspaldiko bat, Espainiari animuak ematea "itsusia" delako. Eta arrazoibideak esaten badit ere ume kontuak direla horiek eta gainera poztu egin beharko nukeela gure belaunaldiaren gainean egon den zama hori semearenak ez duelako, bada nire barruan zerbait nahigabera bultzatzen nauena.
* * *
Kontu ilun horiek denak nerabiltzan buruan eta tripetan Frantziaren kontrako partida aita-semeak ikusten hasi ginelarik. Semea kantu eta zirto zebilen sofa gainean pozik, aurreneko gola gorritxoek sartu zutelako, baina aldamenean ilun itunik ikusten ninduen ni, eta "Aita, zuk ez al diozu Espainiari animatzen?", galdetu zidan.
Egina zidan galdera azkenean.
Une hartan, nahiago izango nuen, segurik, "aita, zergatik hil behar dugu?" edo, zer esanik ez, "nondik datoz haurrak?" galdetu izan balit. Aitzakiek ez zuten balio, ordea. Erantzun egin beharra zegoen. "Ez, maite, nik ez diot Espainiari animatzen". "Baina gorriak dira, aita, eta zu beti gorrien alde zaude". Nik neuk eraikitako artean eroria nintzela sentitu nuen. Burutik pasatu zitzaidan erantzutea "gorrien alde bai, baina niri beste gorri klase bat gustatzen zait", baina azkenean askojakinaren itxurak egin eta esan nion:
- Niri beti futbolean ondo egiten dutenen alde aritzea gustatzen zait. Eta, begira, Frantzia gaur hobeto jokatzen ari da.
Segituan sartu zuen Frantziak gola, gainera, eta semea aita futbolaz askojakina zelako harro sumatu nuen pixka batean. Isiltasun une baten ondoren ordea, "Orduan Frantziaren alde zaude?" atera zitzaion. Banekien hori izango zuela galdera eta prestatuta nengoen: "Ez maite, nik aukeran biak galtzea nahiago!". Zer esan ez zekiela begiratu zidan.
Uste dut oraingoan erantsi diodala txikiari gure "gatazka"ren aurreko nahasmena, txundimena eta dudaldia. Katea ez da eten.
WikiProject AI Cleanup proiektuari ekin diote Wikipedian: "Adimen Artifizialaren garbiketa", nolabait esatearren. Wikilari boluntarioak momentuz ingelesez, frantsesez eta alemanez hasi dira adimen artifizialaren bidez sortutako materialak detektatu eta (okerrak... [+]
Hainbat eragile antifaxista eta antirrazistak antolatuta, Lo que no te cuentan de Donosti (LQNTCDD) taldearen kontrako elkarretaratzea antolatu dute, datorren astelehenean 20:00etan, Amarako Easo plazan. Telegram kanal horretatik, leku horretan deitua dute asteroko... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Badok-ek, Berriako musika atariak, 15 urte bete ditu. Bi ekitaldi ezberdin antolatu dituzte urteurrena ospatzeko, bata Hendaian azaroaren 16an eta bestea Durangoko Azokan. Hainbat artista izango dira bertan. Euskal musikaren gaur egungo egoeraren erradiografia txikia ere eskaini... [+]
Asteazken honetan beste 93 biktima aitortu ditu estatuaren eta talde parapolizialen biktimen azterketak egiten dituen Balorazio Batzordeak. Baliabide faltagatik, bere lanarekin aurrera jarraitzeko zailtasunak ere aitortu ditu. Egiari Zor Fundazioak ongi baloratu du batzordearen... [+]
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Halloween ospatzera gonbidatu zutela esan zion alabak Jaime Altunari eta honek festara joaten utzi zion, baina deseroso sentitu zen. Altunak bere aitari kontatu zion gertaturikoa, eta honek erantzun, eurek ere ospatzen zutela halakorik. Fenomenoa ikertzen urte eta erdi eman dute... [+]
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Abdullah Öcalanek, Kurdistango Langileen Alderdiko (PKK) buruzagi espetxeratuak, bere iloba Ömer Öcalanen lehen bisita izan du. Ia lau urtez ukatu dizkiote bisitak, telefono deiak eta kanpoaldearekiko komunikazio oro. Azken 25 urteetan ia erabateko isolamendu... [+]
Enpresek presio handia egin dute azken boladan eta “inbertsio estrategikoak arriskuan egon daitezkeela” mehatxu egin zuten. Iberdrolako presidenteak ordea, zerga honek bere kontuetan “oso gutxi suposatzen duela” adierazi zuen duela aste bi. Bankuen... [+]
Baigorri eta Tafalla herrien arteko senidetzea ospatuko dute asteburuan Baigorrin. 1978an hasi ziren lehen harremanak, baina hautetsien aldaketarekin pixka bat galdu zen ondotik. Haatik, duela hiru urte Tafallakoak berriz Baigorrira hurbildu ziren.
MIÑAN
NORK: Artedrama. Sambou Diaby, Ander Lipus, Eihara Irazusta, Mikel Kaye.
NON: Bilboko Arriaga Antzokian.
NOiz: Urriaren 25ean.
----------------------------------------------
Euskaraz kontatu zuten Ibrahima Baldek eta Amets Arzallusek Miñan 2019an. Bost urte... [+]
Gero eta egoera larriagoan daude munduko oihanak, klima aldaketak ekarritako bero uhin eta lehorteek bultzatzen dituzten suteengatik, bertzeak bertze. Latitude ertain eta borealetan klima jadanik aldatu arren, oihanak orain arte oso guti prestatu ditugu aldaketari, batez ere... [+]
Valentzian denboraleak eragindako hildakoen eta kalteen atzean faktore meteorologiko hutsak daudela pentsatzea inozoegia litzateke. Generalitateak larrialdia nola kudeatu duen salatu du askok, baita multinazionalen negozio egarria lehenetsi dela ere. Eta gune pobreenak kaltetu... [+]
Iragan astean kontatu genizuen etorkizuneko hilerriaz gogoeta prozesua egin dutela Antzuolan, eta protagonista nagusietakoak umeak izan direla, Herri Eskolan heriotzaren bueltan 1980ko hamarkadaz geroztik egiten ari diren lanketaren ildotik. Hain justu, “hainbat urtetan... [+]