Nori egiten dio mesede zerga-ren operazioak?
ZERGA IRAULTZAILEA-ren azken afera ez da berria, lehenago ere bizi izan dira tankerako operazio politiko-judizialak. Berriagoa dena da testuinguru politiko honetan gertatzea: batetik, ETAren su-eten iraunkorraren eraginpean gaudenean eta Zapaterok ETArekiko orain arteko elkarrizketa ofizial egitearen atarian; eta bestetik, aparatu judizialak egoera muturrerago eraman duela, sinesgarritasunik gabeko atxiloketak eginez, bi enpresari atxilotuz, Gorka Agirreren bidez EAJ ere bete-betean zipriztinduz... Eta galdera betikoa da: nori egiten dio mesede honek guztiak? Lehenengo erantzun samurra «prozesua oztopatu nahi duenari» litzatzeke, hau da, PPri. Baina Zapatero beraren eta PSOEren mesedegarri ere izan liteke, operazioarekin ETArekiko elkarrizketa ofizialtzean PPren lerroetatik etorriko zaion zaparradaz babestuago legokeelako.
Edozein kasutan, Estatuaren indar agerpen bat gehiago da, bake prozesu baten logikatik kanpo, eta negoziazio mahaiaren proiekzio publikoan ETA eta ezker abertzalearen ahuldade irudia bilatzen duena. Dabiltzanek jakingo dute zer gertaera dagoen ibilbide orriaren barruan onartzeko moduan eta zer ez, baina su-etenaz geroztik, Espainiako Gobernuak gogor jokatu du negoziazioaren ikuspegi hutsetik, edo irudi hori eskaini du behintzat. Indar harreman oso desorekatua islatzen duten gertaerak dira. Beste kontu bat da horrek zer ondorio izan dezakeen, bai negoziazio teknikoaren inplementazioan bai etorkizuneko mahai politikoaren eraketan.
Ikuspegi humanotik, aldiz, berriz ere argi geratu da Estatuaren adar desberdinek pertsonen duintasunarekiko duten begirune hutsala. Estatua inoiz ez dagoela treguan eta halako zozokeria interesatuak benetan egiazkoak balira ere, zuzenbide estatu batean beste diskrezio eta eraginkotasunarekin egin beharko lirateke halako operazioak. Baina, jakina, hori ikuspegi utopiko samarra ere bada, eta areago egungo Espainian. Asko aldatuko ote da hemendik hiruzpalau urtera?
KATALUNIAN erreferenduma urrutiko iragana da jada, eta udazkeneko legebiltzarrerako hauteskundeek orainaldira egin dute jauzi indar handiz. Espero bezala joan da dena, ezusteko handirik gabe. Eta panorama berrian, CiU eta PSC daude indartsuen, eta nagusiki CiU. Artur Masek jokaldi biribila egin du CiUk Gobernua galdu zuenetik.
Zapaterorentzat ere emaitzak onak izan dira bata bestearen atzetik: bat, espainiarren begietara, Kataluniako garai bateko ur nahasiak bare-bareak bihurtu ditu; bi, erreferendumeko abstentzio handiarekin katalan abertzaleen aurrean Katalunian nazio aldarrikapena ez dela irudikatu nahi izan den bezain handia argudiatu ahal izango du etorkizunean; hiru, Maragall kendu du gainetik.
ZAPATERO-MAS aroa zabalik da. Hauteskundeak irabazteko eta gobernuan bakarka aritzeko aukera guztiak ditu CiUk. Masek Zapatero sostengatzen du Madrilen eta Zapaterok Mas Bartzelonan. Eta modu horretan, Zapaterok urrats handi bat ematen du bere lurralde egituren erreformaren bidean, Espainian erreforma honen bideragarritasuna bikain salduz.
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).