Nafarroa Baiko alderdiek prest dute jada 2007ko udal eta foru hauteskundeetara aurkezteko akordioa. Duela aste batzuk bederen puntu nagusiak lotuta zeuden, baina antolaketa eta akordio politikoaren taularatze publikoa ekainaren 21ean egingo da Diario de Noticias-eko filtrazio batek ekainaren 2an ezagutzera eman zuenaren arabera. Aralarrek eta EAk gidatzen dute EAJk eta Batzarrek ere osatzen duten koalizioa, eta akordioaren arabera, Nafarroako Legebiltzarrerako hautagaiaren proposamena Aralarren esku geratuko da eta Iruñeko Udalerako hautagaiarena EAren esku.