Net Hurbil: Militar europarrek baioneta handiagoa nahi dute
Aldizkari horrek eta Europako beste dozena batek (tartean Espainiako El Viejo Topo eta Frantziako Politis-ek) «Eurotopia» izeneko elkarlana hasi dute, eta hor biltzen diren artikuluetako bat da Enzo Manginiren hau, ingelesez titulatu dutena «Bayonets bared for Europe's military future» (Baionetak prest Europaren etorkizun militarrerako).
Europako defentsa eta segurtasun gaien jarraipena egiten du Enzo Mangini kazetariak. Edoardo Magnone-rekin batera "La sindrome di Genova. Lacrimogeni e repressione chimica" publikatu zuen, Genoan G8a zela eta 2001ean gertatutako errepresioaz. Esku artean dugun artikuluan berriz, Europar Batasuna bere Defentsa Agentzian egiten ari den aldaketez dihardu. Iazko azaroaren 21ean Europar Batasunak onartu zuen 35.000 milioi euroko arma merkatua berrantolatzeko erabakia. Egun haietan bildu ziren Bruselan Europako defentsa ministroak, eta industria militarrarentzat kode berria onartu zuten. Heldu den uztailean jarriko da indarrean ebazpen hori, eta bere bitartez arma merkatua ere desregulatu egingo da Europan, gainerako ekonomi atalak egin diren modu bertsuan.
Europak potentzia militar izateko dauzkan aukerak jokatu nahi ditu, eta horretarako -Manginiren ustez- industria militarraren kontzentrazioan jauzi berria egitera doa. «Azken hamar urteotan, Europako industria militarrean gertatu diren fusio eta erosketek urritu egin dute protagonisten kopurua, eta aldiz, jokoan geratzen direnen tamaina handitu». Konpainia gutxi horiek saltzen dizkiete militar europarrei behar dituzten misil, aireplano eta helikopteroak; itsasontziak eta lurreko ibilgailuak ekoizten dituzten korporazioak ere fusionatzeko ahaleginetan ari dira.
Gaur eskuetako behatzez kontatzen ahal dira Europako merkatu militarra kontrolatzen duten taldeak: BAE Systems (Britainia Handia), EADS (Frantzia, Alemania eta Espainia), Thales (Frantzia) eta Finmeccanica (Italia) dira horietan handienak. Antza denez, gobernuak eta industria horien lobbyak bultzaka ari dira fusio gehiago eragiteko. Horixe bera nahi du Europako Defentsa Agentziak ere.
Industria militarra kontzentratzeko gogo honetan europarrok amerikarrei kopiatu diegu. «Hemengo kontzentrazio gradua AEBetan dagoenera iristen ari da» idatzi du Manginik. 1980an AEBetan defentsako 50 hornitzaile zeuden lekuan, gaur egun gastu horiek bost kontratista nagusiren artean banatzen dituzte.
Europak konpetitzeko behar omen ditu fusio eta taldekatzeak, Europak autonomia handiagoa eduki dezan. Badirudi lortzen ari dela, honako kopuruok ikusita: 1991-2000 hamarkadan Europar Batasunean amerikarrekin egindako elkarlan proiektuetan bertako enpresetara joan ziren enkarguen %57 eta amerikarretara %28; aldiz, hogei urte lehenago portzentaiak %42-%46 ziren. Baina ez da autonomi kontua bakarrik, mundu osoan gero eta arma gehiago saldu nahi du Europak.
Gringoei kopiatu beharraren poderioz, Europa ere talde industrial-militar oso boteretsuak ari da eraikitzen. Europazaletasunaren izenean bedeinkatzen dute hori politikari eta iritzi emaile askok. Alegia, 2001eko irailaz geroztik, AEBak unilateralismoaren ildotik abiatu zirenetik, Europak bere ahotsa sendotu behar duela, eta horretarako beharrezkoa dela indar militarra ere, izan A400M hegazkina edo Galileo satelite sarea. «Baliteke hori egoki egotea -dio Manginik- baina AEBetako ereduari gertatu zaion bezala, bere industria antolatzeko ereduarekin, gisa berean Europa garatzen ari den eskuartze militarra ikusita, nekez esan ahal izango da horren oinarrian multilateralismoa dagoenik».
Europar Batasunaren lehen misio militarrak Bosnian eta Kongon gertatu dira, eta Europako armada antolatzeko lehen urratsak eman dira polizia militarra eta eraso taldeak antolatuz. Hauetako lehen unitatea -«hedatze azkarreko unitatea» izenarekin- aurten bertan izango da martxan.
Baina ez da eztabaida publikorik izan garapen horren inguruan. «Urrats horiek -dio Manginik- gehiago dirudite EBeko talde industrial-militarraren ‘amerikartzearen’ ondorio, inolako erabaki politiko-demokratikoren ondorio baino». Ondoren salatu du nola Europako Konstituzioa egiterakoan, defentsari dagozkion atalak erabaki aurretik parlamentarioak eta funtzionarioak bildu ziren enpresa handietako buruzagiekin; ez mugimendu sozialei eta ez beste erakundeei eman zitzaien horrelako aukerarik.
Washingtonek «Terrorearen kontrako Gerra Globala» deitu duenak baldintzatu ditu Europako Armadaren lehen urratsak. Baina New Yorkeko dorre bikiak lehertu baino lehen, 1999an, NATOk dotrina militar berrian ofizialki lotu zituen «segurtasuna» eta «defentsa». Bi horiek lotuz geroztik, militarra denaren eta zibila denaren arteko erretena oso mehea da. Segurtasunak bere baitan dakar itsasontzi militarrak erabiltzea legez kanpoko inmigrazioaren kontra; segurtasunak esan nahi du herritarrak kontrolatzea satelite sare global europar batekin eta askatasun zibilak mugatzea. Eta «segurtasuna» hitza aipatzean, eztabaidaezinak diren alorretan sartzen gara.
Amerikarrak ahuldade aro batean hasi direla eta europarroi arlo militarrean aukera berriak datozkigula uste dute batzuek. Europa superpotentzia? Ikusiko da. Oraingoz -dio Manginik- dakiguna zera da: Genoako (2001) eta Gleneaglesko (2005) G8 bilkuretan, zenbait unitate militarrek jendeak kontrolatzeko erabili zituela Kosovon edo Iraken darabiltzaten teknika berak.
WikiProject AI Cleanup proiektuari ekin diote Wikipedian: "Adimen Artifizialaren garbiketa", nolabait esatearren. Wikilari boluntarioak momentuz ingelesez, frantsesez eta alemanez hasi dira adimen artifizialaren bidez sortutako materialak detektatu eta (okerrak... [+]
Hainbat eragile antifaxista eta antirrazistak antolatuta, Lo que no te cuentan de Donosti (LQNTCDD) taldearen kontrako elkarretaratzea antolatu dute, datorren astelehenean 20:00etan, Amarako Easo plazan. Telegram kanal horretatik, leku horretan deitua dute asteroko... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Badok-ek, Berriako musika atariak, 15 urte bete ditu. Bi ekitaldi ezberdin antolatu dituzte urteurrena ospatzeko, bata Hendaian azaroaren 16an eta bestea Durangoko Azokan. Hainbat artista izango dira bertan. Euskal musikaren gaur egungo egoeraren erradiografia txikia ere eskaini... [+]
Asteazken honetan beste 93 biktima aitortu ditu estatuaren eta talde parapolizialen biktimen azterketak egiten dituen Balorazio Batzordeak. Baliabide faltagatik, bere lanarekin aurrera jarraitzeko zailtasunak ere aitortu ditu. Egiari Zor Fundazioak ongi baloratu du batzordearen... [+]
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Halloween ospatzera gonbidatu zutela esan zion alabak Jaime Altunari eta honek festara joaten utzi zion, baina deseroso sentitu zen. Altunak bere aitari kontatu zion gertaturikoa, eta honek erantzun, eurek ere ospatzen zutela halakorik. Fenomenoa ikertzen urte eta erdi eman dute... [+]
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Abdullah Öcalanek, Kurdistango Langileen Alderdiko (PKK) buruzagi espetxeratuak, bere iloba Ömer Öcalanen lehen bisita izan du. Ia lau urtez ukatu dizkiote bisitak, telefono deiak eta kanpoaldearekiko komunikazio oro. Azken 25 urteetan ia erabateko isolamendu... [+]
Enpresek presio handia egin dute azken boladan eta “inbertsio estrategikoak arriskuan egon daitezkeela” mehatxu egin zuten. Iberdrolako presidenteak ordea, zerga honek bere kontuetan “oso gutxi suposatzen duela” adierazi zuen duela aste bi. Bankuen... [+]
Baigorri eta Tafalla herrien arteko senidetzea ospatuko dute asteburuan Baigorrin. 1978an hasi ziren lehen harremanak, baina hautetsien aldaketarekin pixka bat galdu zen ondotik. Haatik, duela hiru urte Tafallakoak berriz Baigorrira hurbildu ziren.
MIÑAN
NORK: Artedrama. Sambou Diaby, Ander Lipus, Eihara Irazusta, Mikel Kaye.
NON: Bilboko Arriaga Antzokian.
NOiz: Urriaren 25ean.
----------------------------------------------
Euskaraz kontatu zuten Ibrahima Baldek eta Amets Arzallusek Miñan 2019an. Bost urte... [+]
Gero eta egoera larriagoan daude munduko oihanak, klima aldaketak ekarritako bero uhin eta lehorteek bultzatzen dituzten suteengatik, bertzeak bertze. Latitude ertain eta borealetan klima jadanik aldatu arren, oihanak orain arte oso guti prestatu ditugu aldaketari, batez ere... [+]
Valentzian denboraleak eragindako hildakoen eta kalteen atzean faktore meteorologiko hutsak daudela pentsatzea inozoegia litzateke. Generalitateak larrialdia nola kudeatu duen salatu du askok, baita multinazionalen negozio egarria lehenetsi dela ere. Eta gune pobreenak kaltetu... [+]
Iragan astean kontatu genizuen etorkizuneko hilerriaz gogoeta prozesua egin dutela Antzuolan, eta protagonista nagusietakoak umeak izan direla, Herri Eskolan heriotzaren bueltan 1980ko hamarkadaz geroztik egiten ari diren lanketaren ildotik. Hain justu, “hainbat urtetan... [+]